کے وی آئی بی کی وائس چیئرپرسن ڈاکٹر حنا بھٹ نے اکاد اننت ناگ میں کاریگروں سے بات چیت کی

کھادی ولیج اینڈ انڈسٹریز( کے  وی آئی بی) کی  وائس چیئرپرسن ڈاکٹرحنا شفیع بھٹ نے آج اکاد اننت ناگ میں کاریگروں سے بات چیت کی۔انہوں نے مذکورہ علاقے کے پڑھے لکھے، بے روزگار نوجوانوں اور تاجروں کے ساتھ بات چیت کی، ان کے مشورے سنے اور ہرممکن مدد کا یقین دلایا۔

اس پروگرام میں بورڈ کے سینئر افسران، ضلعی انتظامیہ کے افسران اور بڑی تعداد میں تاجروں اور علاقے کے پڑھے لکھے بے روزگار نوجوانوں نے بھی شرکت کی۔

انٹرایکٹو سیشن کے دوران، افسران نے روزگار پیدا کرنے کے پروگراموں کے نفاذ میں شامل طریقوں کے بارے میں تفصیلی پریزنٹیشنز دیں۔ پی ایم ای جی پی  وغیرہاسٹیک ہولڈرز کو بتایا گیا کہ یہ اسکیمیں آن لائن ہیں اور خواہش مند کاروباری افراد ان اسکیموں کے تحت مالی امداد حاصل کرنے کے لیے آن لائن درخواست دے سکتے ہیں۔

اس موقع پر خطاب کرتے ہوئے ڈاکٹر حنا نے بتایا کہ حکومت دستکاری کے شعبے کو فروغ دینے اور نوجوانوں کو روزگار کے مواقع فراہم کرنے کی بہت خواہشمند ہے۔ انہوں نے مزید کہا کہ نوکری کے متلاشیوں کے بجائے ملازمت فراہم کرنے کا وقت آگیا ہے اور  کے وی آئی بی  بڑے پیمانے پر روزگار کے مواقع پیدا کرنے میں اہم کردار ادا کر رہا ہے۔

انہوں نے مزید کہا کہ کھادی ولیج اینڈ  انڈسٹریز بورڈ جموں و کشمیراس بات کو یقینی بنانے کے لیے ایک توجہ مرکوز انداز میں کام کر رہا ہے کہ روزگار پیدا کرنے کی اسکیموں کے فوائد بے روزگاروں تک پہنچیں اور ممکنہ کاروباری افراد خاص طور پر خواتین کو مائیکرو انٹرپرائزز کے قیام کے ذریعے آگے آنے اور قوم کی تعمیر کے لیے اپنی توانائی کو بروئے کار لانے کی تاکید کی جائے۔