نیتی آیوگ نے ریاستوں کے لیےبرآمد تیار انڈیکس کا تیسرا ایڈیشن جاری کیا

نیتی آیوگ نے آج ہندوستان کی ریاستوں/ مرکز زیر انتظام علاقوں کے لیے ’برآمد تیار انڈیکس (ای پی آئی) 2022‘ کے عنوان سے رپورٹ کا تیسرا ایڈیشن جاری کیا۔ یہ رپورٹ نیتی آیوگ کے نائب چیئرمین جناب سمن بیری نے جاری کی۔

عالمی وبا کے بعد کے پورے دور میں، ہندوستانی برآمدات نے وبا کے بعد سپلائی چین کے مسائل اور جغرافیائی سیاسی عوامل کے ذریعے پیدا ہونے والے چیلنجوں کا کامیابی کے ساتھ سامنا کرکے اپنی لچک کو ثابت کیا ہے۔ اس رفتار کو برقرار رکھنے کے لیے، ہندوستان کا مقصد ریاستوں اور مزید اضلاع کو برآمدی مرکز کے طور پر فروغ دے کر ایک عالمی برآمدی کھلاڑی بننا ہے۔ ای پی آئی 2022 اس بات کو تسلیم کرتا ہے کہ علاقائی مسابقت کو غیر مقفل کرکے اور ہمارے فطری تنوع سے فائدہ اٹھا کر، ہندوستان اپنی برآمدی صلاحیت کو بڑھا سکتا ہے۔ انسٹی ٹیوٹ برائے مسابقت کے ساتھ مل کر نیتی آیوگ کی طرف سے برآمدی تیاری کا اشاریہ ریاستوں سے آگے کی گہرائیوں تک پہنچتا ہے اور ضلعی سطح پر برآمدات کا جائزہ لیتا ہے۔

نیتی آیوگ نے ریاستوں/ مرکز زیر انتظام علاقوں کے لیے ’برآمد تیار انڈیکس (ای پی آئی) 2022‘ کا تیسرا ایڈیشن جاری کیا

ای پی آئی 2022 رپورٹ ریاستی حکومتوں کو فیصلہ سازی میں مدد کرنے، طاقتوں کی نشاندہی کرنے، کمزوریوں کو دور کرنے، اور ہندوستان کی ریاستوں اور مرکز زیر انتظام علاقوں میں جامع ترقی کو فروغ دینے کے لیے خطے کی مخصوص بصیرت کے ساتھ با اختیار بنانے کی کوشش کرتی ہے۔

رپورٹ مالی سال 22 میں ہندوستان کی برآمدی کارکردگی کا ایک جامع تجزیہ پیش کرتی ہے، اس کے ساتھ ساتھ اس کے شعبے کے لحاظ سے اور ضلعی سطح پر تجارتی سامان کی برآمد کے رجحانات بھی شامل ہیں۔ ای پی آئی 2022 رپورٹ چار ستونوں میں ریاستوں کی کارکردگی کا جائزہ لیتی ہے – پالیسی، کاروباری ایکو سسٹم، ایکسپورٹ ایکو سسٹم، اور ایکسپورٹ کارکردگی۔ انڈیکس 56 اشاروں کا استعمال کرتا ہے جو ریاست اور ضلع دونوں سطح پر برآمدات کے لحاظ سے ریاستوں اور مرکز زیر انتظام علاقوں کی برآمدی تیاریوں کو مجموعی طور پر گرفت میں لیتے ہیں۔