نئی دہلی ، 08 مئی ( ہ س)۔کورونا کا قہر بھارت میں بدستور جاری ہے اور روزانہ کئی اموات ہو رہی ہیں۔ اس میں کچھ اپنے اور کچھ پرائے ہوتے ہیں۔ تاہم ، ان میں ایسی کئی اموات بھی ہو رہی ہیں ، جن سے کوئی رشتہ نہ ہونے کے باوجود ، ہر ایک کو ان کے جانے پر افسوس ہوتاہے۔ ایسے لوگوں میں سینئر صحافی شیش نارائن سنگھ بھی شامل ہیں جو جمعہ کے روز انتقال کر گئے ۔ اردو ڈویلپمنٹ آرگنائزیشن (یو ڈی او) نے ان کی موت پر سوگ کا اظہار کیا ہے اور اسے میڈیا دنیا کے لئے ایک بہت بڑا نقصان قرار دیا ہے۔