مغربی بنگال پولیس کی اسپیشل ٹاسک فورس (ایس ٹی ایف) نے ممبئی کے انسداد دہشت گردی اسکواڈ (اے ٹی ایس) کی مدد سے کولکاتہ اور ممبئی سے دو خطرناک دہشت گردوں کو گرفتار کیا ہے۔

مغربی بنگال پولیس کے ایس ٹی ایف کے ڈی آئی جی دیپ نارائن گوسوامی نے ہفتہ کو بتایا کہ پختہ اطلاع کی بنیاد پر ریاستی پولیس کی ایس ٹی ایف ٹیم نے دارالحکومت کولکاتہ سے متصل جنوبی 24 پرگنہ کے ڈائمنڈ ہاربر تھانے کے علاقے میں تلاشی مہم چلا کر اسے پکڑ لیا۔ وہ اصل میں دیولپوٹا کے چاند نگر کا رہنے والا ہے۔ دوسری طرف، ایس ٹی ایف کی ٹیم نے ممبئی اے ٹی ایس کی مدد سے 34 سالہ صدام حسین کو ممبئی کے نرمل نگر سے پکڑ ا۔ وہ اصل میں ڈائمنڈ ہاربر کے پرولیا کوسٹل پولیس اسٹیشن کے تحت عبدالپور کا رہنے والا  ہے۔ دونوں کا تعلق کالعدم دہشت گرد تنظیم قوۃ الہند سے ہے۔ گرفتاری کے بعد ان سے پوچھ گچھ کی جا رہی ہے۔

دیپ نارائن گوسوامی نے بتایا کہ دونوں انتہائی خطرناک ہیں اور مہلک حملے کی منصوبہ بندی کر رہے تھے۔ ان کی گرفتاری کو پولیس کی بڑی کامیابی قرار دیا جا رہا ہے۔ قابل ذکر ہے کہ حال ہی میں ایس ٹی ایف کی ٹیم نے کولکاتہ سے دو دہشت گردوں کو گرفتار کیا تھا۔ اس سے مسلسل پوچھ گچھ کے بعد اس کے دیگر ساتھیوں کو پکڑا جا رہا ہے۔ دعویٰ کیا جارہا ہے کہ ان کا نیٹ ورک نہ صرف مغربی بنگال بلکہ ملک کے دیگر حصوں میں بھی پھیلا ہوا ہے۔