ہمیں فالو کریں

 ڈوڈہ میں کانگریس اور این سی نے چند نشستوں پر اتحاد کیا

سابق وزیر مملکت برائے داخلہ خالد نجیب سہروردی نے بتایا کہ انہوں نے کانگریس کے ساتھ اتحاد کرنے کا فیصلہ کیا ہے اور اس فیصلے میں تمام پارٹی عہدیدران کارکنان کو اعتماد میں لے کر کیا گیا ہے تاکہ بی جے پی کو ان انتخابات میں کامیابی سے دور رکھا جاسکے

I N Bureau Updated November 21, 2020 15:24 IST
 ڈوڈہ میں کانگریس اور این سی نے چند نشستوں پر اتحاد کیا

 ڈوڈہ میں کانگریس اور این سی نے چند نشستوں پر اتحاد کیا

ڈوڈہ،21 نومبر(انڈیا نیرٹیو)

خطہ چناب کے ضلع ڈوڈہ میں جمعہ کے روز ایک اہم اِجلاس میں کانگریس اور نیشنل کانفرنس نے چند نشستوں پر اتحاد کرنے کا فیصلہ کیا ہے ۔کانگریس کے جنرل سیکرٹری و سابق وزیر عبدالمجید وانی،نیشنل کانفرنس کے سنئیر رہنما خالد نجیب سہروردی نے مشترکہ پریس کانفرنس کے دوران عوام سے اپیل کی ہے کہ وہ دیہی علاقوں کی مجموعی ترقی کے لیے کانگریس اور نیشنل کانفرنس کو ووٹ دیں اور اس کی حمایت کریں اور آنے والے انتخابات میں بی جے پی کو شکست دیں۔

 انہوں نے کہا کہ بی جے پی نے لوگوں کو فرقہ وارانہ بنیادوں پر تقسیم کرنے کا سلسلہ شروع کیا ہے جو اس جماعت کا بنیادی مقصد بھی ہے ۔لیکن کانگریس مقامی سیاسی جماعتوں کے ساتھ مل کر ایسا ہونے نہیں دے گی ۔اس لیے کانگریس اور این سی نے طے کیا ہے کہ وہ مل کر فرقہ وارانہ ہم آہنگی اور باہمی بھائی چارہ کو مستحکم کرنے کے لیے کام کریں گے۔

 سابق وزیر مملکت برائے داخلہ خالد نجیب سہروردی نے بتایا کہ انہوں نے کانگریس کے ساتھ اتحاد کرنے کا فیصلہ کیا ہے اور اس فیصلے میں تمام پارٹی عہدیدران کارکنان کو اعتماد میں لے کر کیا گیا ہے تاکہ بی جے پی کو ان انتخابات میں کامیابی سے دور رکھا جاسکے۔اُنہوں نے بتایا کہ ڈوڈہ ضلع کی دو ڈی ڈی سی نشستوں پر ،جہاں سے بی جے پی کے سابق وزیر مملکت شکتی راج پریہار بطور امیدوار میدان میں اُترے ہیں اُن کے مخالف گوہا مرمت سے نیشنل کانفرنس کے اتحاد سے کانگریس نے اپنا امیدوار کھڑا کیا ہے ۔جب کہ گندنہ کے لیےنیشنل کانفرنس نے کانگریس کے ساتھ مل کر اپنا امیدوار میدان میں اُتارا ہے۔

To Top