<h3 style="text-align: center;">بحیرہ عرب میں گر کر تباہ ہونے والا مگ 29 کاپائلٹ نشانت سنگھ ابھی بھی لاپتہ</h3>
<p style="text-align: right;">نئی دہلی ، 30 نومبر (انڈیا نیرٹیو)</p>
<p style="text-align: right;"> بحیرہ عرب میں گر کر تباہ ہونے والا مگ 29 کے ملبہ کاکچھ حصہ سمندرسے برآمد کرلیا ہے ، لیکن 72 گھنٹے بعد بھی لاپتہ پائلٹ کمانڈر نشانت سنگھ کی شناخت نہیں ہوسکی ہے۔ پائلٹ اور جہاز کے ملبے کو ٹریک کرنے کے لیے 09 جنگی جہاز اور 14 طیاروں کو لگایا گیا ہے۔ میرینز اور ساحلی پولیس کے ذریعہ بھی تلاش جاری ہے اور آس پاس کے ماہی گیری کے گاﺅں کو حساس قرار دیا گیا ہے۔</p>
<p style="text-align: right;">26 نومبرکو جنگی بحریہ ٹرینر مگ 29 شام کے5 بجے بحیرہ عرب میں گر کراس وقت تباہ ہوا جب وہ طیارہ بردار بحری جہاز آئی این ایس وکرمادتیہ سے اڑان بھرتے ہوئے ، اونچی سمندری لہروں کے درمیان نیچے کی طرف جا رہا تھا۔</p>
<p style="text-align: right;">یہ طیارہ بطور ٹرینر ہوائی جہاز استعمال ہورہا تھا۔ اس لڑاکا طیارے کے ایک پائلٹ کوڈھونڈلیاگیا جب کہ دوسرا لاپتہ پائلٹ کمانڈر نشانت سنگھ کی تلاش کے لئے سرچ آپریشن شروع کردیا گیاہے۔ ہندوستانی بحریہ نے سمندری علاقے میں بحری اورفضائی آپریشن کرکے پائلٹ کی تلاش کے ساتھ ہی حادثے کی تحقیقات کا بھی حکم دیا ہے۔</p>
<p style="text-align: right;"> یہ طیارہ آئی این ایس وکرمادتیہ پر قائم تھا اور اس ماہ بحیرہ عرب میں چار ممالک کی بحری جہازوں کے ساتھ مالابار مشق میں بھی شریک ہوا تھا۔</p>.
