Urdu News

تیر اندازی ورلڈ کپ: پرتھمیش جاوکر-اونیت کور سیمی فائنل میں، ہندوستانی ریکرو ٹیم باہر

پرتھمیش جاوکر-اونیت کور سیمی فائنل میں

ہندوستان کے نوجوان تیرانداز پرتھمیش جاوکر اور اونیت کور نے کوریا کے مضبوط چیلنج کو پار کرتے ہوئے تیز اندازی  ورلڈ کپ کے دوسرے مرحلے میںکمپاونڈ زمرے کے سیمی فائنل میں داخلہ حاصل کر لیا جبکہ ریکروتیرانداز ٹیم ایونٹ  سے باہر ہوگئی۔ 19 سالہ جاوکر نے کوریا کے آٹھویں سیڈڈ حریف کو 149.148 سے شکست دی۔ اب ان کا سیمی فائنل میں مقابلہ ایسٹونیا کے رابن جاتما سے ہوگا۔

18 سالہ اونیت کورنے ٹاپ سیڈڈ کوریا کے او یوہیون کو سخت مقابلہ شوٹ آف میں 142.142  (10*-10) سے ہرایا۔ کوارٹر فائنل میں اونیت نے میکسیکو کے ڈیفنی کینٹیرو کو.144 147 سے شکست دی۔ پرتھمیش اور اونیت ورلڈ کپ میں اپنے پہلے انفرادی تمغے سے ایک جیت دور ہیں۔

اس سے قبل، ہندوستان کی مردوں کی ریکرو ٹیم کوارٹر فائنل میں کوریا سے ہارنے کے بعد تیر اندازی ورلڈ کپ سے باہر ہوگئی۔ بھارت کی دھیرج بوما دیورا، اتانو داس اور نیرج چوہان کی تکڑی کو لی وو سوک، کم جے دیووک اور کم ووجن کی ٹاپ سیڈڈ کوریائی ٹیم سے 0-6 (54-55، 56-57، 54-59) سے شکست کا سامنا کرنا پڑا۔

آٹھویں سیڈڈ ہندوستانی مردوں کی ریکرو ٹیم نے چائنیز تائپے پر 5-3 (57-57، 56-58، 57-56، 58-51) سے جیت کے ساتھ اپنی مہم کا آغاز کیاتھا۔ ٹیم کوالیفکیشن میں چوتھی سیڈ حاصل کرنے والی سمرن جیت کور، اونیت کور اور انکیتا بھکت کی ہندوستانی خواتین کی ٹیم نے پہلے راونڈ میں ہی مایوس کن کارکردگی کا مظاہرہ کیا اور وہ اپنے سے کم رینکنگ والی انڈونیشنا کی ٹیم سے 1-5 (54-57، 57-57،50-52) سے ہار گئی ۔ ریکرو ٹیم ایونٹس میں ہندوستان کی امیدیں اب دھیرج بوما دیورا اور سمرن جیت کور کی مکسڈجوڑی پر ٹکی ہوئی ہیں۔  کوالیفائر میں پانچویں نمبر پررہنے کی وجہ سے انہیں دوسرے راونڈ (پری کوارٹر فائنل) میں بائی ملی ہے۔

Recommended