ہمیں فالو کریں

آئی سی سی نے 2022 دولت مشترکہ کھیلوں میں خواتین کرکٹ کو بھی شامل کیا

 انٹرنیشنل کرکٹ کونسل (آئی سی سی) نے برمنگھم میں سال 2022 میں ہونے والے دولت مشترکہ کھیلوں میں شرکت کرنے والے کرکیٹنگ کرنے والے ممالک کے لیےرہنما اصول اور قواعد جاری کردیئے ہیں۔

I N Bureau Updated November 19, 2020 14:32 IST
آئی سی سی نے 2022 دولت مشترکہ کھیلوں میں خواتین کرکٹ کو بھی شامل کیا

آئی سی سی نے 2022 دولت مشترکہ کھیلوں میں خواتین کرکٹ کو بھی شامل کیا

نئی دہلی ، 19 نومبر (انڈیا نیرٹیو)

 انٹرنیشنل کرکٹ کونسل (آئی سی سی) نے برمنگھم میں سال 2022 میں ہونے والے دولت مشترکہ کھیلوں میں شرکت کرنے والے کرکیٹنگ کرنے والے ممالک کے لیےرہنما اصول اور قواعد جاری کردیئے ہیں۔

واضح رہے کہ 2022 دولت مشترکہ کھیلوں میں خواتین کی کرکٹ کو بھی شامل کیا گیا ہے۔ منتظمین نے باضابطہ اعلان تقریبا ایک ماہ قبل کیا تھا۔

آٹھ ممالک میں میڈلز جیتنے کے لیے مشہور ایجبسٹن کرکٹ گراؤنڈ میں خواتین کھلاڑیوں کے درمیان مقابلہ دیکھا جائے گا۔ اس مقابلے میں میزبان انگلینڈ کو براہ راست داخلہ ملے گا۔ اس کے بعد ، آئی سی سی ویمنز ٹی 20، درجہ بندی میں 1 اپریل 2021 تک ٹاپ 6 ٹیموں کو داخلہ ملے گا۔ جبکہ آخری مقام دولت مشترکہ کھیلوں کے کوالیفائرز کے فاتح کوملے گا ، جو 31 جنوری 2022 سے پہلے کھیلا جائے گا۔ کوالیفائروں کی تاریخ اور شیڈول کے ساتھ ساتھ ناموں اور ملکوں کا اعلان آئندہ ہفتے میں کیا جائے گا۔

 کوالیفائیرز میں کیریبین جزیرے والے ممالک بھی شامل ہوں گے اور ان کے مابین مقابلہ ہوگا۔ جبکہ کیریبین ممالک بین الاقوامی کرکٹ میں الگ سے نہیں کھیلتے ، بلکہ یہ سب ویسٹ انڈیز کے نام سے ٹیم کے لئے کھیلتے ہیں۔

اس سے پہلے دولت مشترکہ کھیلوں میں صرف ایک بار ہی کرکٹ شامل کی گئی تھی۔ 1998 میں ملائشیا میں منعقدہ دولت مشترکہ کھیلوں میں کرکٹ بھی شامل تھا۔ اس وقت ، مردوں کی کرکٹ 50 اوور فارمیٹ میں کھیلی جاتی تھی۔ جس کا سونے کا تمغہ جنوبی افریقہ نے جیتا تھا۔

To Top