<h3 style="text-align: center;"> سنجے دت دبئی میں کنبہ کے ساتھ دیوالی منائیں گے</h3>
<p style="text-align: right;">اداکار سنجے دت نے حال ہی میں کینسر کی جنگ میں جیت حاصل کی ہے۔ انہوں نے طبی علاج کے لئے کام سے تھوڑا سا وقت لیا تھا۔ 61 سالہ اداکار سنجے دت نے حال ہی میں اعلان کیا ہے کہ وہ اس جنگ کو جیت کر خوش ہیں۔ سنجے نے اس لڑائی میں ان کا ساتھ دینے پر سب کا شکریہ ادا کیا۔ سنجے دت ہر سال دیوالی پارٹی کا بڑے پیمانے پر انعقاد کرتے ہیں۔ اگرچہ یہ سال ان کے لئے مختلف ہوگا۔ اداکار سنجے دت رواں سال دبئی میں اپنے کنبے کے ساتھ دیوالی منائیں گے۔</p>
<p style="text-align: right;">اداکار حال ہی میں دبئی میں اپنی اہلیہ مانیتا اور بچوں کے ساتھ گئے ہیں۔ اس سال دیوالی پر کورونا وبا کی وجہ سے کوئی جشن نہیں منایا جائے گا۔ دیوالی کے موقع پر سنجے دت خاندان کے ساتھ وقت گزارنا چاہتے ہیں۔ سنجے دت اور مانیتا دت کے جڑواں بچے شاہران اور اقرا دبئی میں ہیں اور دونوں نے حال ہی میں دبئی میں اپنی 10 ویں سالگرہ منائی۔</p>
<p style="text-align: right;">سنجے دت جلد ہی ایکشن ڈرامہ ’کے جی ایف چیپٹر 2‘کی شوٹنگ کرنے والے ہیں ۔ سنجے دت اپنی آنے والی فلم کے جی ایف چیپٹر 2 کی شوٹنگ جلد شروع کردیں گے۔ سنجے دت فلم’کے جی ایف چیپٹر2‘ میں ادھیرا کے کردار میں نظر آئیں گے۔ فلم ’کے جی ایف: چیپٹر2‘میں سنجے دت کے علاوہ یش ، سنجے دت ، سرینیدھی شیٹی اور رویینہ ٹنڈن مرکزی کردار میں ہیں۔</p>
<p style="text-align: right;">فلم ’کے جی ایف: چیپٹر 2‘ کی ہدایت کاری پرشانت نیل نے کی ہے اور اسے وجئے کیلاگندور نے پروڈیوس کیا ہے۔ فلم ایک ساتھ کئی زبانوں میں ریلیز کی جائے گی۔ اس کے علاوہ سنجے دت کئی فلموں میں نظر آنے والے ہیں۔</p>.