سری نگر، 19؍مئی

جموں و کشمیر پولیس کے سوک ایکشن پروگرام کے ایک حصے کے طور پر، ضلع بانڈی پورہ کے 150 طلباء کو جمعرات کو ہفتہ بھر کے بھارت درشن ٹور کے لیے جھنڈی دکھا کر روانہ کیا گیا۔  اس دورے کا اہتمام بانڈی پورہ پولیس نے کیا تھا اور تمام بورڈنگ اور قیام کی سہولیات، آنے جانے  کے  ہوائی ٹکٹوں سمیت دیگر تمام لاجسٹک سہولیات بانڈی پورہ پولیس فراہم کرتی ہیں۔  ٹور کو جھنڈی دکھانے کی تقریب ڈی پی ایل بانڈی پورہ میں منعقد ہوئی، جس میں ڈپٹی کمشنر بانڈی پورہ  جناباویس احمد- آئی اے ایس، ایس ایس پی بانڈی پورہ شری محمد زاہد۔ جے کے پی ایس اور سی او سی آر پی ایف تھرڈ بی این اور پولیس کے دیگر سینئر افسران نے شرکت کی۔ تقریب کے شروع  میں ڈی وائی ایس پی ڈار بانڈی پورہ جناب  اشفاق عالم نے ڈی پی ایل بانڈی پورہ میں ٹور کرنے والے نوجوانوں کا خیرمقدم کیا۔ ڈی سی بانڈی پورہ نے ٹور کرنے والے طلبا سے اپنے خطاب میں کہا کہ بانڈی پورہ پولیس کے ذریعہ منعقد کئے جانے والے بھارت درشن ٹور کا بنیادی مقصد ضلع کے نوجوانوں کو بے پناہ تنوع کے باوجود ہندوستان کے اتحاد کو سمجھنے کا موقع فراہم کرنا ہے۔

ایس ایس پی بانڈی پورہ نے طلبا سے خطاب کرتے ہوئے کہا کہ یہ جموں و کشمیر پولیس کی ایک کوشش ہے کہ ہمارے نوجوانوں کو ملک کے دلچسپ سیاحتی مقامات، تاریخی مقامات اور دیگر مشہور کام کی جگہوں، صنعتی اکائیوں اور آئی ٹی سیکٹر وغیرہ سے روشناس کرایا جائے اور اس سے انہیں آگاہی ملے گی۔  ایس ایس پی نے ٹور کرنے والے نوجوانوں کو نصیحت کی کہ وہ اپنے اندر ملک کی عظمت کو سمیٹیں اور موقع سے بھرپور فائدہ اٹھائیں اور ٹور کے دوران زندگی کی یادیں اکٹھی کریں، اس کے علاوہ ان کے لیے ایک پر لطف، محفوظ اور زندگی بدل دینے والے ٹور کی خواہش کی۔

دہلی میں طلبا شہر کا دورہ کریں گے جس میں مختلف تاریخی مقامات، یادگاروں اور پارکوں بشمول لال قلعہ، قطب مینار، لوٹس ٹیمپل، انڈیا گیٹ، نیشنل پولیس میموریل، دہلی پولیس ہیڈکوارٹر وغیرہ کا دورہ ہوگا۔ گروپ پارلیمنٹ، سپریم کورٹ کا دورہ کرے گا۔  ٹور کرنے والے طلباء بنگلور کو بھی دیکھیں گے اور ٹیپو سلطان پیلس، اسکون مندر، بُل مندر، لال باغ بوٹینیکل گارڈن، وشویشوریہ تکنیکی میوزیم، آرٹ گیلری، کبن پارک اور اندرا گاندھی میوزیکل فاؤنٹین پارک وغیرہ جیسے مقامات دیکھیں گے۔ طلباء میسور کا دورہ کریں گے اور میسور مندر، چامنڈی ہلز، چامنڈیشوری مندر، مہیشاسورا اور نندی، میسور چڑیا گھر، جگن موہن پیلس آرٹ گیلری، سینٹ فلومینا چرچ، سری رنگا پٹنہ – سری رنگناتھ سوامی مندر، ٹیپو سمر پیلس، گمبوز، جیسے مقامات دیکھیں گے۔