ہندوستان تعلیم کا ایک نیا قالب پیش کرے گا

میٹنگ کے دوران جناب پردھان نے کہا کہ تعلیم جی 20 کے ترجیحی شعبوں میں سے ایک ہے۔ انہوں نے جی 20 اجلاس سے قبل وسیع تیاریوں پر زور دیا اور کہا کہ ہندوستان کی صدارت میں جی 20 اجلاس یہ  موقع بھی فراہم کرتا ہے کہ ہندوستان نے تعلیم کے شعبے میں خاص طور پر قومی تعلیمی پالیسی 2020 کے آغاز کے بعد جو کچھ حاصل کیا ہے اسے شیئر کیا جائے۔  یہ بھی کہا کہ ہندوستان تعلیم کا ایک نیا قالب پیش کرے گا جو تمام ابھرتی ہوئی معیشتوں کے لئے ایک عالمی نمونہ ہو سکتا ہے۔ انہوں نے چاٹی کانفرنس کو کامیاب بنانے کے لئے طلباء کے علاوہ  تعلیم اور ہنر مندی کے اداروں کو شامل کرنے پر زور دیا۔ وزیر موصوف نے ہندوستانی نالج سسٹم کے بھرپور ورثے کی نمائش کرنے اور شرکاء کو دنیا میں ہندوستان کے تعاون سے واقف کرانے کا بھی مشورہ دیا۔

 دھرمیندر پردھان نے ہندوستان میں ہونے والے جی 20 سربراہی اجلاس کی تیاریوں پر ایک اعلیٰ سطحی میٹنگ کی

ایجوکیشن ورکنگ گروپ تعلیم اور تکنیکی و پیشہ ورانہ تعلیم و تربیت میں ڈیجیٹل ٹیکنالوجی کے کردار اور کام کے مستقبل پر سیمینار منعقد کرے گا. جس کے نتیجے میں 28 جون 2023 کو جی 20 کے وزرائے تعلیم کی میٹنگ ہوگی۔ ایجوکیشن ورکنگ گروپ جی 20 ایڈ ڈبلیو جی رپورٹ، بہترین طریقوں کا مجموعہ. اور سیمینار کے دو موضوعات پر ایک رپورٹ  سامنے لائے گا .جو جی 20 کے وزرائے تعلیم کے اعلان کا محرک بنے گا۔ این سی ای آر ٹی، آئی آئی ایس سی، این ایس ڈی سی، آئی آئی ٹی مدراس. آئی آئی ٹی حیدرآباد، ہنر مندی کے فروغ اور نئی صنعتوں کی وزارت. یونیسکو، یونیسیف، او ای سی ڈی وغیرہ جیسے ادارے مختلف ترجیحی شعبوں کے تحت نالج پارٹنر ہیں۔

جناب دھرمیندر پردھان نے جی 20 ایجوکیشن ورکنگ گروپ کی سرگرمیوں میں طلباء. کے علاوہ  تعلیم اور ہنر مندی کے اداروں کو شامل کرنے پر زور دیا

واضح رہے کہہندوستان یکم دسمبر 2022 سے جی 20 کی صدارت سنبھالنے جا رہا ہے. اور تقریبات ملک بھر میں منعقد ہوں گی۔ تعلیم کے تحت چار ترجیحی شعبے یوں ہیں:

1۔ بنیادی خواندگی اور اعداد و شمار کو یقینی بنانا خاص طور پر مخلوط لرننگ کے تناظر میں۔

2۔ کام کے مستقبل کے تناظر میں زندگی بھر سیکھنے کو فروغ دینے والی صلاحیتوں کی تشکیل

3۔ تکنیکی اہلیت والے علم و ہنر کو ہر سطح پر مزید جامع، معیاری اور باہمی تعاون پر مبنی بنانا اور

4۔ بھرپور تعاون کے ذریعے تحقیق کو مضبوط بنانا اور جدت طرازی کو فروغ دینا۔