اسلام آباد، 24؍ نومبر

ہفتوں کی شدید قیاس آرائیوں اور افواہوں کے بعد، وزیر اعظم شہباز شریف نے جمعرات کو لیفٹیننٹ جنرل عاصم منیر کو نیا چیف آف آرمی سٹاف منتخب کر لیا۔وزیر اطلاعات مریم اورنگزیب نے ٹوئٹر پر اعلان کرتے ہوئے کہا کہ وزیراعظم نے اپنے آئینی اختیارات کا استعمال کرتے ہوئے یہ انتخاب کیا۔

انہوں نے مزید کہا کہ لیفٹیننٹ جنرل ساحر شمشاد مرزا کو چیئرمین جوائنٹ چیفس آف اسٹاف کمیٹی  کے طور پر منتخب کیا گیا ہے۔انہوں نے مزید کہا کہ اس کی سمری صدر مملکت عارف علوی کو بھیج دی گئی ہے۔

اعلان کے بعد میڈیا سے بات کرتے ہوئے وزیر دفاع خواجہ آصف نے کہا کہ اس معاملے کا فیصلہ قانون اور آئین کے مطابق کیا گیا ہے۔ انہوں نے   عوام سے مطالبہ کیا کہ وہ اسے ’’سیاسی عینک‘‘ سے دیکھنے سے گریز کریں۔

انہوں نے امید ظاہر کی کہ صدر ان تقرریوں کو “متنازعہ” نہیں بنائیں گے اور وزیر اعظم کے مشورے کی توثیق کریں گے۔وزیر دفاع نے اس بات کا اعادہ کیا کہ صدر کو وزیر اعظم کے مشورے کی توثیق کرنی چاہئے تاکہ “تنازعہ پیدا نہ ہو”۔

 اس سے ہمارے ملک اور معیشت کو ٹریک پر چلنے میں بھی مدد ملے گی۔ فی الحال، سب کچھ ٹھپ ہے۔”انہوں نے ایک ٹویٹ میں اسی کا اظہار کرتے ہوئے کہا کہ یہ مشورہ صدر کو بھیج دیا گیا ہے۔

ان کا کہنا تھا کہ اب یہ سابق وزیراعظم عمران خان کے لیے ایک امتحان ہوگا جہاں وہ ملک کے دفاع کے لیے ذمہ دار ادارے کو مضبوط کرسکتے ہیں یا اسے متنازعہ بنا سکتے ہیں۔