آل انڈیا علما ومشائخ بورڈ کی سالانہ جنرل میٹنگ

<p dir="RTL" style="text-align: justify;">
عرس اعلیٰ حضرت اشرفی کے روح پرورموقع پر خانقاہ اشرفیہ شیخ اعظم سرکار کلاں میں منعقد ہ آل انڈیا علما ومشائخ بورڈ کی سالانہ جنرل میٹنگ میں بورڈ کے بانی و صدر حضرت سید محمد اشرف کچھوچھوی نے تمام صوبائی یونٹس کی کارکردگی کا جائزہ لیا۔</p>
<p dir="RTL" style="text-align: justify;">
 آل انڈیا علما ومشائخ بورڈ کی سالانہ جنرل میٹنگ میں مختلف صوبوں سے آئے ہوئے بورڈ کے صدور وسکریٹریزاوردیگرعہدیداران وممبران نے اپنی سالانہ کارکردگی کی رپورٹ پیش کی جسے بورڈ کے صدر سید محمد اشرف اشرفی جیلانی کچھوچھوی نے بہ نفس نفیس ملاحظہ کیا۔میٹینگ میں یوپی کی مختلف یونٹس کے ساتھ خصوصیت سے راجستھان،گجرات،مدھیہ پردیش،پنجاب،بہار،بنگال ،اڑٰیسہ،تلنگانہ،آندھرا پردیش،کرناٹک،چھتیس گڑھ،اتراکھنڈ،مہاراشٹر،ہریانہ، کشمیر وغیرہ کی یونٹس نے شرکت کی اوراپنی کارکردگی سے صدر محترم کو مطمئن کیا۔صدر محترم نے اس موقع سے یونٹس کی کمیوں اور ان کی کوتاہیوں پر تنبیہ بھی فرمائی،اور نئی ہدایات بھی جاری کیں۔</p>
<p dir="RTL" style="text-align: justify;">
<strong>جن کاخلاصہ یہ ہے </strong><strong><span dir="LTR"> :</span></strong></p>
<p dir="RTL" style="text-align: justify;">
<span dir="LTR">)</span>۱<span dir="LTR">(</span>صوبائی یونٹس اپنا اپنا لیگل سیل تیار کریں اور اسے فعال بھی کریں،تاکہ جیلوں میں بند بے قصور مسلم نوجوانوں کے نہ صرف مقدمات لڑے جاسکیں،بلکہ ان کورہابھی کرایا جاسکے،اس کے لیے صوبائی،ضلعی اور بلاک وتحصیل سطح پر مسلم وکلا سے رابطہ کیا جائےاور ان کو اس کاز کے لیے تیار کیاجائے۔ الحمد للہ مولانابرکت حسین مصباحی صدر ضلع مہراج گنج یونٹ اور قاضی محمد نعمان مدھیہ پردیش کوآرڈینیٹر اس کام کاآغاز بھی کرچکے ہیں۔</p>
<p dir="RTL" style="text-align: justify;">
<span dir="LTR">)</span>۲<span dir="LTR">(</span>آفات ناگہانی جسیے سیلاب،طوفان،زلزلہ،حادثات،قوبائی امراض میں چیریٹی کو فروغ دیا جائے،جیسا کہ ابھی حال ہی میں ممبئی یونٹ نے کوکن سیلاب زدگان کو لاکھوں روپے کا امدادی سامان پہونچایا،اوراس سے پہلے کرونا آفت میں مختلف یونٹس نے راحت رسانی کاکام کیا۔</p>
<p dir="RTL" style="text-align: justify;">
<span dir="LTR">)</span>۳<span dir="LTR">(</span>جو لوگ غریبی کی ریکھا سے نیچے زندگی گزرانے پر مجبور ہیں،ان کوابتدائی مشینری سامان،آلا ت،جیسے رکشا، ٹھیلا اورسائیکل وغیرہ مہیا کیا جائے۔</p>
<p dir="RTL" style="text-align: justify;">
<span dir="LTR">)</span>۴<span dir="LTR">(</span>ہندی،اردو اور انگلش میڈیم اسکولس،کالجز،اور نرسری قائم کی جائیں،بالغ بچیوں کی باپردہ تعلیم کے لیے نسواں کالجز اور دانش گاہیں کھولی جائیں، الحمداللہ راجستھان کے ہنومان گڈھ اور یوپی کے سنبھل میں اداروں کے قیام کا کام جاری ہے۔</p>
<p dir="RTL" style="text-align: justify;">
(۵)مسلم نوجوانوں کو روزگار سے جوڑنے کے لیے ان کوفنی وتکنیکی تربیت فراہم کی جائے،اور اس کے لیے مراکز قائم کیے جائیں۔</p>
<p dir="RTL" style="text-align: justify;">
(۶)جہاں بورڈ کی یونٹس  قائم ہیں ان کوفعال کیاجائے،اور جہاں قائم نہیں ہیں وہا ں نئی یونٹس قائم کی جائیں۔</p>
<p dir="RTL" style="text-align: justify;">
(۷)تمام یونٹیس اپنا میڈیا سیل بھی بنائیں،اور اپنی کا رکردگی کومیڈیا کے ذریعے عوام تک پہنچائیں۔</p>
<p dir="RTL" style="text-align: justify;">
(۸)تمام یو نٹس ملک دشمن سرگرمیوں کی مخالفت کریں،اور ایسی تمام تنظیموں کی حوصلہ شکنی کریں،جو اس میں ملوث ہیں۔</p>
<p dir="RTL" style="text-align: justify;">
میٹنگ میں مولانامقبول ا حمد سالک مصباحی، مولانا حبیب الرحمن علوی، قاری ابو الفتح، مولانا محمد رمضان نعیمی، مولانا نورانی کشمیری، مولانا برکت حسین،سید راشد انور، جناب آفتاب عالم، جناب عمر فاروق، مولانا غلام مصطفیٰ، قاضی محمد نعمان، مولانا رئیس ازہری، حاجی محمد شکیل، جناب محمد اویس، مولانا محمد حسن، مولانا حسیب، حافظ معشوق، جناب واجب جرگر، جناب محمد فیروز، جناب ظہیر احمد مفتی محمد تاج الدین، مولانا محمد عظیم اشرف دہلی ہیڈ آفس کے علاوہ بورڈ کی دیگر شاخوں کے ذمہ داران نے شرکت کی۔</p>