مصر کاقطری طیاروں کے لیے فضائی حدود کھولنے کافیصلہ

<h3 style="text-align: center;">مصر کاقطری طیاروں کے لیے فضائی حدود کھولنے کافیصلہ</h3>
<p style="text-align: right;">قاہرہ،06جنوری(انڈیا نیرٹیو)</p>
<p style="text-align: right;">مصر بھی سعودی عرب کی طرح قطر کے طیاروں کے لیے اپنی فضائی حدود کھول دے گا۔ذرائع نے منگل کے روز بتایا کہ قاہرہ حکومت اصولی طور پر دوحہ کے ساتھ ہوابازی بحال کرنے پر آمادہ ہو گئی ہے۔</p>
<p style="text-align: right;"> ساتھ ہی باور کرایا گیا ہے کہ اس فیصلے پر عمل درامد مصر کی جانب سے متعدد مطالبات پر موقوف ہو گا۔العربیہ کے ذرائع نے واضح کیا کہ ایک مصری کمیٹی مذکورہ موقف کا جائزہ لے رہی ہے۔ یہ کمیٹی سعودی عرب ، امارات اور بحرین کے ساتھ رابطے میں ہے۔</p>

<h4 style="text-align: right;">یہ پیش رفت منگل کے روز سعودی عرب کے ضلع العلا میں منعقد ہونے والے خلیج تعاون کونسل کے 41 ویں سربراہ اجلاس کے آغاز سے قبل سامنے آئی ہے۔</h4>
<p style="text-align: right;"> اجلاس سعودی فرماں روا شاہ سلمان بن عبدالعزیز کی دعوت پر منعقد ہو رہا ہے۔اجلاس میں خلیج تعاون کے امور، علاقائی اور بین الاقوامی تزویراتی شراکت داریوں اور ایران کے جوہری پروگرام کے علاوہ دیگر معاملات پر بھی توجہ مرکوز ہو گی۔</p>
<p style="text-align: right;">قطری خبر رساں ایجنسی کے مطابق قطر کے امیر شیخ تمیم بن حمد سربراہ اجلاس میں اپنے ملک کے وفد کی صدارت کریں گے۔ امارات کے وفد کی قیادت دبئی کے حاکم شیخ محمد بن راشد آل مکتوم کریں گے۔</p>
<p style="text-align: right;"> کویت کے امیر شیخ نوّاف الاحمد الجابر المبارک الصباح اپنے ملک کے وفد کی قیادت کریں گے۔ بحرین کے وفد کی صدارت ولی عہد شہزادہ سلمان بن حمد آل خلیفہ اور عمان کے وفد کی صدارت نائب وزیر اعظم فہد بن محمود آل سعید کریں گے۔</p>
<p style="text-align: right;">اس سے قبل کویتی وزیر خارجہ شیخ احمد ناصر الصباح نے پیر کے روز اعلان کیا تھا کہ سعودی عرب اور قطر کے بیچ سرحدیں کھولے جانے کے حوالے سے ایک سمجھوتا طے پا گیا ہے۔</p>.