شمال مشرقی علاقوں میں حکومت کے اخراجات

حکومت کی موجودہ پالیسی کے مطابق، تمام غیر مستثنیٰ مرکزی وزارتوں/محکموں ( جن کی تعداد فی الحال 55 ہے) کے لئے لازمی ہے کہ وہ اپنی مجموعی بجٹ سپورٹ (جی بی ایس) کا کم از کم 10فیصدمرکزی سیکٹر اور شمال مشرقی علاقے (این ای آر) کے لیے مرکزی امدادیافتہ اسکیموں پر خرچ کریں۔ سال15-2014 سے شمال مشرقی خطے کے لیے 10فیصد جی بی ایس کے تحت غیر مستثنیٰ وزارتوں/محکموں کی طرف سے کیے گئے اخراجات اور حقیقی اخراجات کی سال در سال تفصیلات ضمیمہ میں دی گئی ہیں۔

شمال مشرقی خطہ کی ترقی کی وزارت نے بوڈولینڈ علاقائی کونسل (بی ٹی سی) ، کربی اینگلانگ خود مختار علاقائی کونسل ( کے اے اے ٹی سی) اور دیمہ ہساؤ خودمختار علاقائی کونسل (ڈی ایچ اے ٹی سی ) کے لئے خصوصی ترقیاتی پیکج کے تحت مالی سال 19-2018 اور 23-2022 کے درمیان 33 منصوبوں کے لیے 231.50 کروڑ روپئے جاری کئے۔ مزید برآں، این ای سی کے ذریعہ مالی سال 22-2021 اور 23-2022 میں منتخب پسماندہ برادریوں کے لیے 69.95 کروڑ روپے کی لاگت کے 15 پروجیکٹ، منتخب پسماندہ بلاکس کے لیے 174.26 کروڑ روپے کی لاگت کے 38 پروجیکٹ، اور منتخب گاؤوں میں کلیدی شناخت شدہ خدمات فراہم کرنے کے لیے 26.56 کروڑ روپے کی لاگت کے 14 پروجیکٹوں کومنظوری دی گئی ہے۔

شمال مشرقی خطہ کی ترقی کی وزارت نے مالی سال 19-2018 اور 23-2022 کے درمیان 33 منصوبوں کے لیے 231.50 کروڑ روپئے جاری کئے

31.03.23 تک، 81,941 کروڑ روپے کی لاگت کے کل 1,909 کلومیٹر لمبائی والے ریلوے کے کل 19 بنیادی ڈھانچے کے منصوبے، جو مکمل طور پر/ جزوی طور پر شمال مشرقی علاقے میں آتے ہیں، منصوبہ بندی/ منظوری/ عمل درآمد کے مختلف مراحل میں ہیں، جن میں سے 482 کلومیٹر کی لمبائی والے راستوں کو شروع کیا جاچکا ہے اور 31.03.23 تک اس پر 37,713 کروڑ روپے خرچ ہوئے ہیں۔ سڑک ٹرانسپورٹ اور شاہراہوں کی وزارت (ایم او آرٹی ایچ) کی مختلف اسکیموں کے تحت شمال مشرقی ریاستوں میں کل 261 سڑک کے منصوبے جن کی کل منظور شدہ لاگت 1,02,594 کروڑ روپے ہے، نیشنل ہائی ویز اتھارٹی آف انڈیا (این ایچ اے آئی)، نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹڈ (این ایچ آئی ڈی سی ایل ) اور ریاستی پبلک ورکس ڈیپارٹمنٹس (پی ڈبلیو ڈیز) کے ذریعے نافذ العمل ہیں ۔ شہری ہوا بازی کی وزارت شمال مشرقی خطے میں 3,422.43 کروڑ روپے کے پروجیکٹوں کو نافذ کر رہی ہے۔ کنیکٹیویٹی سے متعلق مرکزی حکومت کی وزارتوں کے اخراجات کے علاوہ، شمال مشرقی خطے میں کنیکٹیویٹی پروجیکٹوں کے لیے ایم ڈی او این ای آر اسکیموں کے تحت 4,345.16 کروڑ روپے کی لاگت کے 51 پروجیکٹوں کو منظوری دی گئی ہے۔

سال 15-2014 سے 23-2022 تک جی بی ایس کے تحت 10 فیصد خرچ اور حقیقی اخراجات

(کروڑ روپئے میں)

سال	تخمینی بجٹ	ترمیم شدہ تخمینہ	حقیقی اخراجات	آر ای فیصد کے طور پر حقیقی اخراجات
2014-15	36,107.56	27,359.17	24,819.18	90.72
2015-16	29,087.93	29,669.22	28,673.73	96.64
2016-17	29,124.79	32,180.08	29,367.90	91.26
2017-18	43,244.64	40,971.69	39,753.44	97.03
2018-19	47,994.88	47,087.95	46,054.80	97.81
2019-20	59,369.90	53,374.19	48,533.80	90.93
2020-21	60,112.11	51,270.90	48,563.82	94.72
2021-22	68,020.24	68440.26	70,874.32	103.56
2022-23	76,040.07	72,540.28	82,691.37	113.99
2023-24	94,679.53	این اے	13,807.37*	14.08
میزان	5,43,781.65		4,33,139.73*
ماخذ: مرکزی بجٹ کا بیان 23/11 ، متعدد سال ۔ نوٹ :غیر مستثنیٰ مرکزی وزارتوں / محکموں کے ذریعہ فراہم کردہ حقیقی اخراجات کی تعداد عارضی ہے ۔ *30جون 2023 تک ،جیسا کہ55 غیرمستثنیٰ وزارتوں/ محکموں کے ذریعہ بتایا گیا ۔