جموں و کشمیر کے ضلع کٹھوعہ کی بسوہلی پینٹنگ کو جی آئی ٹیگنگ کیسے ملی؟

کٹھوعہ ضلع کی دنیا کی مشہور’بسوہلی پینٹنگ’ کو نیشنل بینک فار ایگریکلچر اینڈ رورل ڈیولپمنٹ (NABARD) جموں کی منظوری کے بعد جیوگرافیکل انڈیکیشن (GI) ٹیگ ملا ہے۔

مناسب طور پر جی آئی ٹیگ دانشورانہ املاک کے حق کی ایک شکل ہے جو ایک مخصوص جغرافیائی محل وقوع سے پیدا ہونے والے اور اس مقام سے منسلک الگ نوعیت، معیار اور خصوصیات کے حامل اشیا کی نشاندہی کرتی ہے۔

 جموں ریجن کی9 مصنوعات کی جی آئی ٹیگنگ کا عمل کووڈ کے مشکل وقت کے دوران، دسمبر 2020 میں دستکاری اور ہینڈ لوم کے محکمے کی مشاورت سے نابارڈ نے شروع کیا تھا۔ طویل قانونی عمل کے بعد اب آخر کار ان مصنوعات کو  جی آئی  ٹیگ دیے گئے ہیں۔

تجارت اور صنعت کے مرکزی وزیر پیوش گوئل نے اپنے آفیشل ٹویٹر ہینڈل کے ذریعے ٹویٹ کرکے ملک کو 33 جی آئی ٹیگ حاصل کرنے پر مبارکباد دی، جو ایک سال میں سب سے زیادہ ہے۔

 جموں و کشمیر کے یو ٹی  کی مصنوعات کو 31 مارچ 2023 کو جی آئی ٹیگ حاصل کرنے والی 33 مصنوعات کی فہرست میں شامل کیا گیا ہے۔ جی آئی رجسٹریشن کی تاریخ میں یہ پہلا موقع ہے جب جموں خطہ کو دستکاری کے لیے جی آئی ٹیگ ملا ہے۔

کٹھوعہ ضلع کی باسوہلی پینٹنگ جموں خطے کی پہلی آزاد جی آئی  ٹیگ شدہ مصنوعات ہے۔ اب، صرف ایک مجاز صارف کو ان مصنوعات کے سلسلے میں جغرافیائی اشارے استعمال کرنے کا خصوصی حق حاصل ہے۔ اس کی وجہ سے کوئی بھی شخص اپنے جغرافیائی علاقوں سے باہر اس کی نقل نہیں کرسکتا۔