شہر جموں کو جازب نظر بنانے کے لیے دیواروں پر دلچسپ پینٹنگ

جموں وکشمیر یوٹی کی سرمائی راجدھانی شہر جموںکو خوبصورت بنانے کے لئے ’جموں سمارٹ سٹی‘پروجیکٹ کے تحت کئی اہم کام کئے جارہے ہیں۔

شہر میں سڑک کنارے دیواروں، عمارتوں، چوراہوں اور گلیوں میں جہاں مختلف سیاسی جماعتوں ، تجارتی تنظیموں کے بینرز، پوسٹرز لگے ہوتے تھے، وہاں اب خوبصورت پینٹنگ آپ کو دکھائی دے گی۔

جیول سے بکرم چوک، بکرم چوک سے گاندھی نگر تک فلائی اوور کے نیچے ستونوں پرخوبصورت پینٹنگ میں جموں کی ثقافت، ورثہ کی جھلکیاں شامل ہیں۔ دیواروں پر کی گئی پینٹنگ میں صحت مند رہنے، نشہ کے مضر اثرات، تعلیم نسواں جیسے موضوعات کا بھی منفرد پیغام دیاگیاہے۔

سپر اسپیشلٹی اسپتال جموں، اندرا چوک، سیکریٹریٹ روڈ پر ہندوستان کی تاریخی، ثقافتی عمارتوں ، امرناتھ یاتراکاسفر کی بھی خوبصورت جھلک دیکھنے کو ملتی ہے۔

سرحدوں پر ملک کی حفاظت کرنے والے فوجیوں کی بھی شاندار وال پینٹنگ ہے۔ امھپلا چوک سے شکنتلا سے اگر آپ فلائی اوور کے اوپر سفر کریں اور ستواری چوک تک جائیں تو ہرجگہ آپ کو مصوروں کی فنکاری کے نایاب نمونے دیکھنے کو ملیں گے۔ دیواروں کو خراب نہ کیاجائے۔