جموں و کشمیر: برف کاتاج محل گلمرگ میں سیاحوں کے لیے کشش کا نیا مرکز

<p dir="RTL" style="text-align: justify;">
گلمرگ ۔15 فروری</p>
<p dir="RTL" style="text-align: justify;">
تاج محل کا ایک برفی مجسمہ جموں اور کشمیر کے گلمرگ میں سیاحوں کے لئے تازہ ترین کشش کا مرکز بن گیا ہے۔ اس سے  پہلے  بھی یہاں ایگلو کیفے  نے لوگوں کو اپنی طرف متوجہ کیا۔ تاج محل کی نقل جو کہ دنیا کے سات عجائبات میں سے ایک ہے، ہوٹل گرینڈ ممتاز کے ممبران نے سیاحتی مقام گلمرگ کو سیاحوں کے لیے مزید دلکش اور یادگار بنانے کے لیے مجسمہ بنایا ہے۔</p>
<p dir="RTL" style="text-align: justify;">
گلمرگ، جو پہلے ہی سیاحوں کی برف سے محبت کرنے والوں کی منزلوں کی فہرست میں سرفہرست ہے، اس سے قبل یہاں کے  ایگلو کیفے میں کھانے کا تجربہ کرنے کے لیے بہت زیادہ ہجوم جمع ہوتا تھا۔ 17 دنوں میں زیرو میٹریل لاگت کے ساتھ اس نئے مجسمے کو تعمیر   کیا گیا ہے ۔16 فٹ کی اونچائی تک پہنچنے والے اور 24 فٹ <span dir="LTR">x 24</span>فٹ کے رقبے پر محیط اس مجسمے نے بہت سے لوگوں کی توجہ اپنی طرف مبذول کر لی ہے  اور لوگ اس کے ساتھ تصویریں کلک کرنے کے لیے جمع ہو گئے۔</p>
<p dir="RTL" style="text-align: justify;">
 گرینڈ ممتاز ہوٹل کے جنرل مینیجر ستیہ جیت گوپال نے کہا کہ ہم ہوٹل کے نام کے ساتھ کچھ مشابہت پیدا کرنا چاہتے تھے تاکہ ایک ایسی چیز بنائی جاسکے جس کے بارے میں طویل عرصے تک بات کی جاسکے۔ ہم اسے لوگوں کے لیے یادگار بنانا چاہتے تھے۔ اس میں تقریباً 100 گھنٹے کا وقت گزر چکا ہے۔  انہوں نے مزید کہاہ پہلے ہی سیاحوں کی توجہ کا مرکز بن چکا ہے۔  غور طلب ہے  کہ تاج محل آگرہ میں مغل بادشاہ شاہ جہاں نے اپنی بیوی ممتاز کی یاد میں تعمیر کروایا تھا۔ مجسمہ بنانے والی ٹیم کے سربراہ یوسف بابا نے بتایا کہ 4 رکنی ٹیم اس کام میں شامل ہے اور برف کے علاوہ کوئی اور مواد استعمال نہیں کیا گیا ہے۔ انہوں نے یہ بھی کہا کہ یہ پہلے ہی کئی سیاحوں کے لیے ایک کشش بن چکا ہے۔</p>
<p dir="RTL" style="text-align: justify;">
 ایک مقامی ٹور گائیڈ منظور احمد جو کہ کم از کم 10 سال سے سیاحت کے شعبے سے وابستہ ہیں، نے بتایا کہ یہاں پہلی بار ایسی چیز بنائی گئی ہے۔ ایک سیاح، جو مجسمے کی خوبصورتی سے مسحور تھا، نے لوگوں پر زور دیا کہ وہ آئیں اور گلمرگ کی قدرتی خوبصورتی کا مشاہدہ کریں۔ ایک دیگر سیاح نے کہا "میں لوگوں سے گزارش کرتا ہوں کہ وہ آئیں اور اس جگہ کی شان و شوکت کا تجربہ کریں۔ لوگوں نے یہاں ناقابل یقین ہندوستان کی نمائش کے لیے وقت نکالا ہے۔ آپ اس سے مسحور ہو جائیں گے۔</p>
<p dir="RTL" style="text-align: justify;">
راہل نے مزید کہا کہ یہ سیاحوں کے لیے محفوظ ہے کیونکہ  کورونا  پروٹوکول  کی  مکمل پیروی کی جا رہی ہے. جموں سے دوستوں کے ساتھ آنے والے ایک اور سیاح انمول نے کہا، "میں یہاں ملک بھر سے لوگوں سے ملا، جو یہ دیکھنے آئے ہیں۔ یہاں کشمیری قہوہ بھی پیش کیا جا رہا تھا۔" ہریانہ کے گڑگاؤں کی رہائشی رشمی نے کہا، "یہ تاج محل بہت خوبصورت ہے۔ ہم شام کو لائٹنگ کے ساتھ دوبارہ آئیں گے اور اسے دیکھیں گے۔ یہ ایک بہت ہی انوکھی چیز ہے۔</p>