این آر ایل ایم کے تحت کشمیری لڑکیاں کلگام میں مشروم کی کاشت میں مصروف

کلگام، 21؍ دسمبر
جنوبی کشمیر کے کولگام ضلع کی لڑکیوں نے محکمہ زراعت کے ساتھ مل کر نیشنل رورل لائیولی ہڈ مشن (NRLM) اسکیم کے تحت کھمبی کی کاشت شروع کی ہے۔

این آر ایل ایم کے تحت امید سکیم کے ساتھ رجسٹرڈ ابھرتے ہوئے کاروباریوں کو کولگام کے محکمہ زراعت سے مشروم کی کاشت کے سبسڈی پر مبنی یونٹ ملے ہیں۔ ایک اہل کار نے بتایا کہ محکمہ زراعت اسے ایک منافع بخش منصوبہ بنانے کے لیے 50 فیصد سبسڈی اور تکنیکی معلومات فراہم کر رہا ہے۔
مشروم ڈیولپمنٹ اسسٹنٹ کولگام شکیل الرحمان نے کہا،موسم خزاں کے فصل کے دوران، ہم نے مشروم کی کاشت کے 40 یونٹ دیے، جن میں سے، ہم نے 90 فیصد حصہ خواتین کے لیے مختص کیا تھا۔

خواتین کو بااختیار بنانے کے لیے 90 فیصد حصہ جاری کیا، انھوں نے اپنے یونٹ قائم کیے ہیں اور ان کی فصل تیار ہے۔ یہ فروخت کے لیے مارکیٹ میں موجود ہے۔ رحمان نے مزید کہا کہ اس اسکیم میں ہر عمر کے گروپ اور تعلیمی پس منظر کی خواتین شامل ہیں۔

انہوں نے مزید کہا کہ ہم نے یہ یونٹ قائم کر کے ان ابھرتے ہوئے کاروباری افراد کو مکمل تعاون دیا ہے۔ کھمبی کی کاشت کا سب سے بڑا فائدہ یہ ہے کہ خواتین اسے اپنے گھروں میں کر سکتی ہیں، وہ اس کے لیے الگ کمرہ رکھ سکتی ہیں۔ انہیں مناسب تربیت اور آگاہی دی جاتی ہے۔
محکمہ زراعت کاایک اہلکار اس طرح کے یونٹس کا باقاعدگی سے دورہ کرتا ہے۔ کولگام کی ایک کاروباری شخصیت طاہرہ بشیر نے کہا،سب سے پہلے میں محکمہ کا شکریہ ادا کرنا چاہتی ہوں جس کی وجہ سے ہمیں یہ یونٹ ملا۔