ماں اور مادر وطن کا احترام کرناہی اتحاد اور یکجہتی ہے: اندریش کمار

 راشٹریہ سویم سیوک سنگھ کے آل انڈیا ایگزیکٹو ممبراور مسلم راشٹریہ منچ کے سر براہ اندریش کمار نے کہا کہ ماں اور مادر وطن سے محبت کرنا، احترام کرنا،قربانی، خوشحالی، اتحاد اور یکجہتی ہے۔

ہمیں پوری دنیا کو راستہ دکھانا ہے۔ ہمارا ڈی این اے ایک ہے اور 14 اگست 1947 سے پہلے تمام ہندوستانی ایک جیسے تھے۔ انہوں نے کہا کہ دنیا میں امن صرف ہند، ہندو اور ہندوتو  کی وجہ سے ہے۔

ہندستھان  سماچار نیوز ایجنسی اور اندرا گاندھی نیشنل سینٹر فار دی آرٹس (آئی جی این سی اے) کے مشترکہ زیر اہتمام تین روزہ ‘دیپوتسو: پنچ پر ن’ ہفتہ کو اختتام پذیر ہوا۔

ڈاکٹر سچیدانند جوشی، ممبر سکریٹری، آئی جی این سی اے نے خطبہ استقبالیہ پیش کیا۔’اتحاد اور یکجہتی’ کے موضوع پر اختتامی سیشن میں مہمان خصوصی اندریش کمار نے کہا کہ ہندوستان یاتریوں، تہواروں اور میلوں کا ملک ہے۔

تیرتھ، تہوار اور میلے اتحاد و یگانگت کا راستہ ہیں۔ وہ ہمیں کپڑا، روٹی، مکان اور سنسکار دیتے ہیں، اس لیے ہندوستانی انسانیت اور زندگی کی قیمت بہتر ہے۔

میلوں اور تہواروں سے لاکھوں لوگوں کو روزگار، روٹی ملتی ہے۔  چھوٹے چھوٹے کاروبار  کی حوصلہ افزائی کی جاتی ہے۔ اگست کے مہینے میں ہی 48 لاکھ لوگوں کو سال بھر  کا روزگار  ملگیا۔

اندریش کمار نے اپنے  تجربات  کا اظہار کرتے ہوئے کہاکہ ایشور ہی پوری دنیا کو چلاتا ہے۔ صرف  ایشور ہی مختلف مذاہب، ذاتوں، ملکوں کے لوگوں کو اپنی زبان، ملک، ماحول کے خواب دکھاتا ہے۔

ہر شخص   اپنی زبان میں خواب دیکھتا ہے، دوسری زبان میں نہیں۔ ہر رات،  ایشور ہمارے خوابوں میں ہمارے پاس آتا ہے اور کہتا ہے کہ آپ ہندوستانی تھے، ہیں اور رہیں گے۔ ہم ایک تھے، ہیں اور رہیں گے۔ تمام مذہب، ذات پات، جنس کے باوجود ہم ایک ہندوستانی ہیں۔