شارٹ فلم مقابلے کے ذریعے مقامی فلم سازی کو فروغ دینے کے لیے ہمالیائی فلم فیسٹیول

سن2021 میں اپنے کامیاب افتتاحی ایڈیشن کے بعد، ہمالیائی فلم فیسٹیول  29 ستمبر سے 3 اکتوبر 2023 تک اپنی دوسری قسط کے لیے واپس آنے والا ہے۔ یہ میلہ، جو لیہہ کے دلکش پہاڑوں کے درمیان منعقد ہونے والا ہے، ہمالیائی فلم سازوں کے مخصوص بیانیے کو فروغ دینے کے ساتھ ساتھ شاندارہندوستانی فلموں کا جشن منانے کا ایک پلیٹ فارم  فراہم کرے گا۔

یہ ایونٹ سینما کے متنوع انتخاب کی نمائش کرے گا، جس میں مرکزی دھارے میں شامل بلاک بسٹرز سے لے کر آزاد پروڈکشنز، مختصر فلمیں، فیچر لینتھ فلمیں، اور دستاویزی فلمیں شامل ہیں۔

 مزید برآں، سامعین سوال و جواب کے سیشنز اور مقامی فلم سازوں کے لیے اسکرین رائٹرز لیب میں مشغول ہو سکتے ہیں۔منتظمین کے مطابق،  فلم  فیسٹیول کی مرکزی توجہ آزادانہ نقطہ نظر کی ترقی کو فروغ دینا، مقامی ٹیلنٹ کے لیے نیٹ ورکنگ کے مواقع کی سہولت فراہم کرنا، اور معروف فلم سازوں کی جانب سے ماسٹر کلاسز کی پیشکش کرنا ہے۔

فیسٹیول کی ایک دلچسپ بات مختصر فلموں کا مقابلہ ہے۔یہ فیسٹیول ہمالیائی ریاستوں اور مرکز کے زیر انتظام علاقوں کے فلم سازوں کو 3 سے 5 منٹ تک چلنے والی فلمیں بنانے کے لیے مدعو کرتا ہے، موضوعی گائیڈ لائن ‘ دی ماؤنٹینز کالنگ’ پر عمل کرتے ہوئےداخل ہونے والوں کی حوصلہ افزائی کی جاتی ہے کہ وہ افراد اور پہاڑوں کے درمیان تعلق کو تلاش کریں۔

مختصر فلم کے مقابلے کے موضوع کی وضاحت کرتے ہوئے،  فیسٹیول کے منتظمین کہتے ہیں، “پہاڑوں سے تعلق رکھنے کا کیا مطلب ہے؟ فطرت کے ساتھ گہرے اور تاریخی تعلق کا تجربہ کرنا؟ آپ کو ہمالیہ کی کہانیوں، جذبات اور تجربات کے ذریعے پہاڑی وادیوں کی گہرائیوں کو تلاش کرنے کی ترغیب دی جاتی ہے۔