مودی فیکٹر ایک بار پھر کامیاب ، دربھنگہ میں این ڈی اے کی بلے بلے 

<h3 style="text-align: center;">مودی فیکٹر ایک بار پھر کامیاب ، دربھنگہ میں این ڈی اے کی بلے بلے</h3>
<p style="text-align: right;">دربھنگہ ، 10 نومبر (انڈیا نیرٹیو)</p>
<p style="text-align: right;"> بہار اسمبلی انتخابات میں ایک بار پھر نریندر مودی فیکٹر کام کرتا  نظر آیا ۔ اس کے نتیجے میں این ڈی اے  کا دربھنگہ میں دبدبا رہا۔ ضلع کے دس اسمبلی حلقوں میں سے 9 اسمبلی حلقہ سے این ڈی اے امیدوار جیت کا پرچم لہرانے میں کامیاب رہے۔ ضلع میں صرف ایک اسمبلی حلقہ کا نتیجہ مہا گٹھ بندھن کے حق میں رہا۔</p>
<p style="text-align: right;">دربھنگہ دیہی حلقہ سے آر جے ڈی کے للت کمار یادو اپنے حریف جے ڈی کے فراز فاطمی کو ہرا کر مہاگٹھ بندھن کی عزت بچانے میں کامیاب رہا۔ للت یادو کو 64929 ووٹ حاصل ہوئے جبکہ جے ڈی یو کے فراز فاطمی کو 62788 ووٹوں پر مطمئن ہونا پڑا۔ جیت ۔ ہار کا فرق 2141 ووٹ کا رہا۔ این ڈی اے امیدواروں میں دربھنگہ حلقہ کے بی جے پی کے سنجے سراواگی اپنے قریبی حریف آر جے ڈی کے امرناتھ گامی کو شکست دے کر پانچویں بار ایم ایل اے بننے میں کامیاب ہوئے۔ حیاگھاٹ اسمبلی حلقہ سے بی جے پی کے رام چندر پرساد نے آر جے ڈی کے بھولا یادو کو شکست دی۔  جالے اسمبلی حلقہ سے بی جے پی کے جیویش کمار مشرا کانگریس کے ڈاکٹر مشکور عثمانی کو شکست دے کر مسلسل دوسری بار ایم ایل اے بننے میں کامیاب ہوئے۔ کیوٹی  اسمبلی حلقہ سے بی جے پی کے مراری موہن جھا نے آر جے ڈی کے سینئر لیڈر عبدالباری صدیقی کو شکست دی۔</p>
<p style="text-align: right;"> جے ڈی یو کے مدن سہنی نے بہادر پور حلقے سے جے ڈی یو کے آر کے چودھری کو شکست دی۔ جے ڈی یو کے ششی بھوشن ہزاری نے کوشیشورستھان اسمبلی حلقہ سے کانگریس کے ڈاکٹر اشوک رام کو شکست دی۔ جے ڈی یو کے اجے چودھری نے بینی پور اسمبلی حلقہ سے کانگریس کے میتھلیش چودھری کو شکست دی۔ گودابرم اسمبلی حلقہ سے وی آئی پی کے سورناسنگھ نے آر جے ڈی کے افضل علی خان اور علی نگر اسمبلی حلقہ سے وی آئی پی کے مشری لال یادو نے آر جے ڈی کے ونود کمار مشرا کو شکست دی۔</p>.