چھوٹے دریاؤں کے تحفظ پر غور و خوض کے لیے ساتویں انڈیا واٹر امپیکٹ چوٹی کانفرنس 15دسمبر کو

نئی دہلی ۔13 ؍دسمبر

  تین روزہ  انڈیا واٹر امپیکٹ  سمٹ  کا  ساتواں ایڈیشن 15 دسمبر کو قومی دارالحکومت میں شروع ہوگا او  ر اس میں چھوٹے دریاؤں کی بحالی اور تحفظ’ پر غور کیا جائے گا۔

اس سربراہی اجلاس کا اہتمام نیتی آیوگ کے ذریعہ ڈاکٹر امبیڈکر انٹرنیشنل سینٹر ، 15 جن پتھ، نئی دہلی میں کیا جائے گا۔ 3 روزہ سربراہی اجلاس میں “5 پی  کی نقشہ سازی اور ہم آہنگی (ل پیپول، پالیسیاں،  پروجیکٹ  اورپروگرام کے منتخب پہلوؤں پر توجہ مرکوز کی جائے گی۔

سربراہی اجلاس انحراف کے ممکنہ اسباب اور ہم آہنگی حاصل کرنے کی حکمت عملی کے بارے میں بصیرت فراہم کرے گا۔ ایک سرکاری بیان کے مطابق، سربراہی اجلاس،  انڈیا واٹر امپیکٹ سمٹ کے پچھلے ایڈیشنوں کی طرح، “فنانس فورم” کی بھی میزبانی کرے گا۔

ایک خاص ٹریک جو عالمی مالیاتی اداروں اور دریا کی بحالی اور تحفظ کے پروگراموں میں دلچسپی رکھنے والے سرمایہ کاروں کو اکٹھا کرے گا۔ “2022 کی چوٹی کانفرنس، پہلے کی سمٹ کی طرح، دنیا بھر کی درجنوں ٹیکنالوجی اور اختراعی کمپنیوں کو بھی موقع فراہم کرے گی جو ہمارے دریائی طاسوں سے متعلق مختلف مسائل اور خدشات کو دور کرنے کے لیے اپنے حل ہندوستان میں لانے کے خواہاں ہیں۔

سنٹر فار گنگا ریور بیسن منیجمنٹ اینڈ اسٹڈیز (سی گنگا(، جو جل شکتی کی وزارت کے ساتھ اس تقریب کے منتظمین میں سے ایک ہے، نے کئی ٹاسک فورسز کی تشکیل کا اعلان کیا جن کا اعلان 2017 میں کیا گیا تھا۔متعدد ورکنگ گروپس متوازی طور پر ملیں گے تاکہ منصوبہ بند مقاصد کو آگے بڑھایا جا سکے۔