اگنی پتھ اسکیم: بھارت بند کے پیش نظر کئی اضلاع میں نیم فوجی دستے تعینات

<p dir="RTL" style="text-align: justify;">
<strong>20 اضلاع میں انٹرنیٹ سروس معطل</strong></p>
<p dir="RTL" style="text-align: justify;">
پٹنہ، 20 جون (انڈیا نیرٹیو)</p>
<p dir="RTL" style="text-align: justify;">
اگنی پتھ اسکیم کے خلاف پیر کے روز بھارت بند کے پیش نظر نیم فوجی دستوں کے اہلکاروں کو کئی اضلاع میں تعینات کیا گیا ہے۔ اس کے ساتھ ہی 20 اضلاع میں انٹرنیٹ سروس پر عارضی پابندی لگا دی گئی ہے۔ حالانکہ بہار میں کسی بھی سیاسی پارٹی نے بھارت بند کی حمایت نہیں کی ہے۔</p>
<p dir="RTL" style="text-align: justify;">
محکمہ داخلہ نے ضلع مجسٹریٹ اور پولیس سپرنٹنڈنٹ کو حساس مقامات پر خصوصی نظر رکھنے اور شرپسندوں کے خلاف سخت کارروائی کرنے کی ہدایت دی ہے۔ دارالحکومت کے اسکول اور تعلیمی ادارے آج احتیاط کے طور پر بند کر دیے گئے ہیں۔ ریاست کے 20 اضلاع میں موبائل انٹرنیٹ سروس پر پابندی لگا دی گئی ہے۔</p>
<p dir="RTL" style="text-align: justify;">
ادھر پٹنہ میں طلبا اور دکانداروں کے درمیان فائرنگ اور بم دھماکے میں ایک شخص کے زخمی ہونے کی اطلاع ہے۔ ریاست کی موجودہ صورتحال کے پیش نظر وزیراعلیٰ نتیش کمار کا جنتا دربار ملتوی کر دیا گیا ہے۔ بھارت بند کے پیش نظر شیخ پورہ اور سراری ریلوے اسٹیشنوں پر بڑی تعداد میں پولیس فورس کو تعینات کیا گیا ہے۔</p>
<p dir="RTL" style="text-align: justify;">
اگنی پتھ کے خلاف تین دن کے تشدد اور آتش زنی کے بعد اتوارکا دن یقینی طور پر پرامن ریا۔ پیر کو بھارت بند کی کال سے انتظامیہ کی سانس پھولی ہوئی  ہے۔ پولیس نے امن برقرار رکھنے کے لیے 20 اضلاع میں انٹرنیٹ سروس کو پیرکے روزکے لئے معطل کر دیا ہے۔ ریلوے، بینکنگ اور دیگر سرکاری خدمات اس سے متاثر نہیں ہوں گی۔ جن 20 اضلاع میں انٹرنیٹ سروس پر پابندی عائد کی گئی ہے، ان میں کیمور، بھوجپور، اورنگ آباد، روہتاش، بکسر، نوادہ، مغربی چمپارن، مشرقی چمپارن، سمستی پور، لکھی سرائے، بیگوسرائے، ویشالی، سارن، مظفر پور،  دربھنگہ، گیا، مدھوبنی، جہان آباد، کھگڑیا اورشیخ پورہ شامل ہیں۔</p>