گجرات میں انتخابات کے پہلے مرحلے کی مہم آج شام 5 بجے ختم ہو جائے گی

احمد آباد، 29 نومبر (انڈیا نیرٹیو)

 گجرات اسمبلی انتخابات کے پہلے مرحلے کی مہم آج (منگل) شام 5 بجے ختم ہو جائے گی۔ پہلے مرحلے کے تحت 89 اسمبلی حلقوں میں یکم دسمبر کو پولنگ ہونی ہے۔ چیف الیکٹورل آفیسر پی بھارتی کے مطابق ان سیٹوں کے لیے کل 788 امیدوار میدان میں ہیں۔

گجرات قانون ساز اسمبلی میں کل 182 اسمبلی سیٹیں ہیں۔ ان میں سے 13 درج فہرست ذاتوں اور 27 درج فہرست قبائل کے لیے ریزرو ہیں۔ سینٹرل گجرات میں سب سے زیادہ (61) سیٹیں ہیں۔ اس کے بعد سوراشٹر-کچھ میں 54، جنوبی گجرات میں 35 اور شمالی گجرات میں 32 سیٹیں ہیں۔ بھارتیہ جنتا پارٹی گجرات میں 27 سال سے حکومت کر رہی ہے۔ پچھلے کچھ سالوں سے کانگریس کی مقبولیت میں کمی کا فائدہ بی جے پی کو ملا ہے۔

اس بار چیزیں یقیناً مختلف ہیں۔ پانچ سال پہلے 2017 کے انتخابات میں کانگریس نے کچھ بہتر کارکردگی کا مظاہرہ کیا تھا۔ اس بار یہاں اروند کیجریوال کی عام آدمی پارٹی بھی میدان میں ہے۔ کیجریوال تو دہلی اور پنجاب میں خلا ف توقع مظاہرہ کر چکی اپنی  پارٹی کی یہاں بھی کامیابی کی پیشن گوئی بھی کی ہے۔

آج انتخابی مہم کے آخری دن مرکزی وزیر داخلہ امت شاہ داہود، کھیڑا اور احمد آباد میں جلسہ عام کریں گے۔ بی جے پی کے قومی صدر جے پی نڈا بھی تین ریلیوں سے خطاب کریں گے۔ عام آدمی پارٹی نے روڈ شو کا اعلان کیا ہے۔ کانگریس صدر ملکارجن کھڑگے بھی اپنی طاقت دکھائیں گے۔