دہلی میں جمنا ندی خطرے کے نشان سے اوپر، ریل آمد و رفت بند

نئی دہلی، 11 جولائی (انڈیا نیرٹیو)

 قومی راجدھانی دہلی کے اولڈ ریلوے پل (اولڈ یمونا برج) پر جمنا ندی کے پانی کی سطح خطرے کے نشان 205.33 کو عبور کر گئی۔ پیر کی رات 11 بجے یہاں پانی کی سطح 206.04 میٹر تک پہنچ گئی جس کی وجہ سے آج (منگل) صبح 6 بجے سے اس پل پر ریل کی آمدورفت روک دی گئی ہے۔ ناردرن ریلوے نے ریل ٹریفک کو معطل کرنے کا اعلان کیا ہے۔

قومی راجدھانی میں جمنا ندی کی خوفناک شکل دیکھ کر ساحلی علاقوں میں سیلاب کا خطرہ لاحق ہوگیا ہے۔ ساحلی علاقے میں رہنے والے خاندانوں نے نقل مکانی شروع کر دی ہے۔ ہندوستان کے محکمہ موسمیات نے کہا ہے کہ فی الحال دہلی کو بارش سے راحت نہیں ملنے والی ہے۔

قومی راجدھانی خطہ میں موسلادھار بارش کی وجہ سے تمام سڑکیں تالاب بن گئی ہیں۔ یمنا نگر ہتھنی بیراج کنڈ سے ایک لاکھ 32 ہزار کیوسک پانی چھوڑا گیا ہے۔ جب وہ پانی یہاں پہنچے گا تو جمنا ندی کے پانی کی سطح مزید بڑھ جائے گی۔ محکمہ آبپاشی نے دہلی انتظامیہ کو خبردار کرتے ہوئے سیلاب کا الرٹ جاری کیا ہے۔