بحیرہ عرب کا طوفان تاو تے انتہائی شدید

<p dir="RTL" style="text-align: justify;">
<strong>گجرات میں شدید بارش کی وارننگ جاری</strong></p>
<p dir="RTL" style="text-align: justify;">
بحیرہ عرب میں اٹھا سمندری طوفان تاو تے اب نہایت شدید (ویری سیویر) زمرہ کے طوفان میں تبدیل ہوگیا ہے اور س کے آئندہ چوبیس گھنٹے میں مزیدخوفناک شکل اختیار کرلینے اور 18مئی کی صبح گجرات کے مہووا(بھاو نگر) اور پور بند کے درمیان سے ساحل سے ٹکرانے کا اندازہ ظاہر کیا گیا ہے۔</p>
<p dir="RTL" style="text-align: justify;">
محکمہ موسمیات سے آج موصولہ اطلاع کے مطابق یہ طوفان آج دوپہر ساڑھے گیارہ بجے گجرات کے ویراول ساحل سے 620کلو میٹر جنوب۔ جنوب مشرق میں واقع تھا۔ اس کے کل گجرات کے ساحل کے مزید قریب پہنچنے کے دوران ہواوں کی رفتار 155سے لیکر 185کلومیٹر فی گھنٹہ تک ہوسکتی ہے۔ اس کے ساتھ ہی ساحلی گجرات میں بھاو نگر، گر سومناتھ، امریلی، پوربندر کے علاوہ احمد آباد، ودوڈرہ، بھروچ، ولساڈ وغیر ہ میں شدید سے نہایت شدید بارش بھی ہوسکتی ہے۔</p>
<p dir="RTL" style="text-align: justify;">
سمندر میں اتار چڑھاو کی وجہ سے ماہی گیروں کو اس میں نہیں جانے کا مشورہ دیا گیا ہے۔ گجرات کی بندرگاہوں پر بھی دو نمبر کا وارننگ سگنل لگا دیا گیا ہے۔</p>
<p dir="RTL" style="text-align: justify;">
موسم مرکز کی طرف سے جاری بلیٹن میں کہا گیا ہے کہ طوفان، شدید بارش اور تیز ہواوں کی وجہ سے ساحلی علاقوں میں کچے وپکے مکانات، سڑکوں، بجلی کے کھمبوں، درختوں اور فصلوں وغیرہ کو نقصان ہوسکتا ہے۔ اس میں خطرے والے علاقوں سے لوگوں کو محفوظ مقامات پر منتقل کرنے، ماہی گیروں میں سمندر میں نہیں جانے، سڑک اور ریل آمدو رفت کو بھی کنٹرول کرنے، طوفان کے دوران لوگوں کو گھروں میں رہنے کا مشورہ بھی دیا گیا ہے۔</p>
<p dir="RTL" style="text-align: justify;">
<strong>تاوتے کی وجہ سے کووڈ مراکز کے آپریشن میں کوئی رکاوٹ نہ آئے: کابینی سکریٹری</strong></p>
<p dir="RTL" style="text-align: justify;">
کابینی سکریٹری راجیو گابا نے حکام سے سمندری طوفان تاو تے کے مدنظر تمام احتیاتی اور ضروری اقدمات کرنے کے لیے کہا ہے جس سے متاثرہ علاقوں میں جلد از جلد معمولات زندگی معمول پر لائے جاسکیں اور وہاں واقع کووڈ دیکھ بھال مراکز کے آپریشن میں کسی طرح کی رکاوٹ نہ آئے۔</p>
<p dir="RTL" style="text-align: justify;">
مسٹر گابا نے اتوار کو ویڈیو کانفرنس کے ذریعہ نیشنل کرائسس منیجمنٹ کمیٹی کی میٹنگ کی صدارت کی اور بحیرہ عرب میں سمندری طوفان تاوتے کے مدنظر صورتحال کا جائزہ لیا۔</p>
<p dir="RTL" style="text-align: justify;">
میٹنگ میں گجرات، مہاراشٹر، گوا، کرناٹک، کیرالہ اور تملناڈو کے چیف سکریٹریوں کے علاوہ مرکز کے زیرانتظام ریاستوں لکشدیپ اور دادر ناگر حویل اور دمن دیو کے ایڈمنسٹریٹر وں کے مشیروں اور مختلف وزارتوں کے سکریٹریوں نے حصہ لیا۔</p>