زرعی قانون سے کسان سخت ناراض :راہل گاندھی

<h3 style="text-align: center;">زرعی قانون سے کسان سخت ناراض :راہل گاندھی</h3>
<p style="text-align: right;">نئی دہلی ، 26 اکتوبر</p>
<p style="text-align: right;"> کانگریس کے سابق صدر راہل گاندھی نے ایک بار پھر زرعی قانون کی مخالفت کرتے ہوئے مرکزی حکومت پر حملہ کیا ہے۔ انہوں نے کہا کہ اس قانون کو لے کر کسانوں میں سخت غم و غصہ پایا جاتا ہے ، یہ خطرناک ہے اور ملک کے لیے صورت حال اچھی نہیں ہے۔ وزیر اعظم نریندر مودی کو موقع پر پہنچنا چاہیے اور لوگوں کو راضی کرنا چاہیے اور ان کی باتیں سننی چاہیے۔</p>
<p style="text-align: right;">پیر کو راہل گاندھی نے ٹویٹ کیا کہ ماضی میں پنجاب میں جو ہوا وہ افسوسناک ہے۔ پنجاب کے کسانوں میں غم و غصہ وزیر اعظم نریندر مودی کے تئیں بڑھ رہا ہے۔ یہ ایک خطرناک نظیر ہے اور ملک کے لیے اچھا نہیں ہے۔ وزیر اعظم ان کے پاس جائیں ، ان کی باتیں سنیں اور انہیں فوری راحت دیں۔ انہوں نے کہا کہ اس مشکل وقت کے دوران یہ ضروری ہے کہ وزیر اعظم مودی کو کسانوں اور مزدوروں پر حکومت کے تئیں اعتماد پیدا کرنا چاہیے۔</p>
<p style="text-align: right;">کانگریس کے رہنما نے بھی ٹویٹ کے ساتھ ایک خبر شیئر کی ، جس میں کہا گیا ہے کہ پنجاب میں کسانوں نے زرعی قوانین کے خلاف احتجاج کرتے ہوئے وزیر اعظم اور کاروباریوں کا پتلہ پھونکا۔</p>.