ماہ جون میں جی ایس ٹی کی وصولی 1.44 لاکھ کروڑ روپے

<p dir="RTL" style="text-align: justify;">
نئی دہلی، یکم جولائی</p>
<p dir="RTL" style="text-align: justify;">
ماہ جون 2022 میں سامان اور خدمات ٹیکس کی وصولی 1.44 لاکھ کروڑ روپے پر رہی ، جو پچھلے سال کے اسی مہینے سے 56 فیصد زیادہ ہے۔ پچھلے مہینے مئی میں، جی ایس ٹی کی وصولی تقریباً 1,41 کروڑ روپے تک پہنچ گئی، جس میں سال بہ سال 44 فیصد کا اضافہ ہوا۔ یہ نوٹ کرنا ضروری ہے کہ اپریل کے مہینے میں پہلی بار جی ایس ٹی ریونیو کی وصولی 1.5 لاکھ کروڑ روپے کے نشان کو عبور کر کے 1.68 لاکھ کروڑ روپے پر پہنچ گئی۔ مرکزی وزیر خزانہ نرملا سیتا رمن نے کہا، لگتا ہے کہ 1.40 لاکھ کروڑ روپے کی حد تک کم ہے۔ ہم اس سے نیچے نہیں جا رہے ہیں، ہم صرف اس سے زیادہ جمع کر رہے ہیں۔</p>
<p dir="RTL" style="text-align: justify;">
آج جی ایس ٹی نظام کے پانچ سال مکمل ہو رہے ہیں۔ حکومت جی ایس ٹی ٹیکس کے نظام کے ذریعے شفافیت، جوابدہی اور آسان رجسٹریشن کے عمل کے علاوہ پورے ملک میں یکساں ٹیکس لانا چاہتی ہے۔ وزیر اعظم نریندر مودی نے خصوصی موقع پر ٹویٹر پر پوسٹ کیا، "ہم جی ایس ٹی کے5 سال  کو نشان زد کرتے ہیں۔ یہ  ایک بڑی ٹیکس اصلاحات ہے  جس نے ' کاروبار کرنے میں آسا ن بنایا اور  کاروبارکو آگے بڑھایا اور ' ایک قوم، ایک ٹیکس' کے وژن کو پورا کیا۔</p>
<p dir="RTL" style="text-align: justify;">
غور طلب ہے کہ  ملک میں گڈز اینڈ سروسز ٹیکس  یکم جولائی 2017 میں متعارفکرایا گیا  تھا اور ریاستوں کو جی ایس ٹی (ریاستوں کو معاوضہ) ایکٹ، 2017 کی دفعات کے مطابق جی ایس ٹی کے نفاذ کی وجہ سے ہونے والے کسی بھی ریونیو کے نقصان کے لیے معاوضہ کی یقین دہانی کرائی گئی تھی۔</p>
<p dir="RTL" style="text-align: justify;">
ریاستوں کو معاوضہ فراہم کرنے کے لیے، کچھ اشیا پر سیس لگایا جا رہا ہے اور جمع شدہ سیس کی رقم کو کمپنسیشن فنڈ میں جمع کیا جا رہا ہے۔ ریاستوں کو معاوضہ یکم جولائی 2017 سے معاوضہ فنڈ سے ادا کیا جا رہا ہے۔ چندی گڑھ میں حال ہی میں ختم ہونے والی جی ایس ٹی کونسل کی میٹنگ میں، کئی ریاستوں نے معاوضے میں 5 سال کے لیے نہیں تو کم از کم چند سالوں کے لیے توسیع کی مانگ کی ہے۔ اس پر ابھی کوئی فیصلہ ہونا باقی ہے۔</p>