پڑوسی ممالک میں اقلیتی طبقہ پر ہونے والے ظلم کے خلاف ہندو تنظیمیں برہم

<p dir="RTL" style="text-align: justify;">
<strong>اقلیتوں پر ہونے والے ظلم کے خلاف بین الاقوامی سطح پر آواز بلند کی جائی۔بجرنگ دل</strong></p>
<p dir="RTL" style="text-align: justify;">
پاکستان،بنگلہ دیش اور افعانستان میں اقلیتی طبقہ پر زیادتی اور ان کے مذہبی مقامات میں توڑپھوڑ کے واقعات کو لیکر ہندوتنظیموں نے برہمی کااظہا رکرتے ہوئے بجرنگ دل کی قیادت میں صدر جمہوریہ ہند کو میمورنڈم بھیج کر مذکورہ ممالک میں اقلیتی سماج پر ہورہی ظلم و زیادتی کو روکنے کے لئے عالمی سطح پر آواز اٹھانے اور مذکورہ ممالک سے اقلیتی طبقہ کو تحفظ فراہم کرائے جانے کا مطالبہ کرنے کی مانگ کی۔بجرنگ دل کے صوبائی کنوینر وکاس تیاگی کی قیادت میں وشو ہندو پریشد اور بجرنگ دل کے کارکنان نے ایس ڈی ایم راکیش کمار کے توسط سے ایک میمورنڈم صدر جمہوریہ ہند کو ارسال کیا۔</p>
<p dir="RTL" style="text-align: justify;">
میمورنڈم میں بنگلہ دیش،پاکستان اور افغانستان میں اقلیتی سماج کے مذہبی مقامات کو چن چن کا نشانہ بنائے جانے کاالزام عائد کیاگیا، میمورنڈم میں الزام عائد کیاگیاہے کہ جان بوجھ کر ان ممالک میں بسنے والے ہندوؤں کے ساتھ غیر انسانی رویہ اختیار کیا جارہا ہے اور انہیں ظلم و زیادتی کا شکار بنایاجارہاہے۔</p>
<p dir="RTL" style="text-align: justify;">
 میمورنڈم میں حکومت ہند سے مطالبہ کیاگیاہے اس ممالک میں اقلیتی طبقہ پر ہونی والی زیادتی کے خلاف بین الاقوامی سطح پر آواز اٹھائی جائے اور ان ممالک کی حکومتوں سے بات چیت کرکے فوری طور پر وہاں کے اقلیتوں کے ساتھ ہونے والے امتیازی برتاؤ کو روکا جائے اور ان کے تحفظ کو یقینی بنایاجائے۔ اس دوران ہندو تنظیموں سے منسلک افراد اکشے دھیمان، ڈاکٹر امت چودھری،ہریش شرما،مونکت پنڈیر،ابھیناؤ کوشک،سشیل سینی،جتیندر کمار، ہمانشو تیاگی،شوم پردھان، انل کمار، منیش چودھری،سندیپ چوہان،امت کمار،امر رانا، منو پرتاپ،پنیت تائل،اویناش رمیش وغیرہ شامل رہے۔</p>