آئی جی آئی ایئرپورٹ کو دھماکے سے اڑانے کی دھمکی، دہلی پولیس کو القاعدہ کے نام سے ای میل موصول

<p dir="RTL" style="text-align: justify;">
دہلی کے اندرا گاندھی بین الاقوامی ہوائی اڈے (آئی جی آئی)  کو  بم  سے اڑانے کی دھمکی موصول ہوئی ہے۔ اس دھمکی کے بعد یہاں پولیس کی مزید چوکسی بڑھا دی گئی ہے۔ یوم آزادی سے قبل دہلی ہوائی اڈے کو دھماکے سے اڑانے کی دھمکیاں ملنے کے بعد سیکورٹی ایجنسیاں چوکس اور مستعد ہو گئی ہیں۔ ہر آنے والے مشتبہ افراد کی ائیرپورٹ پر نگرانی کی جا رہی ہے۔ اگر کسی پر کوئی شک ہے تو اس شخص سے پوچھ گچھ کی جا رہی ہے اور اس کی گہری تلاش کی جا رہی ہے۔</p>
<p dir="RTL" style="text-align: justify;">
یہ دھمکی دہلی پولیس کو القاعدہ کے نام ایک ای میل کے ذریعے بھیجی گئی ہے۔ ای میل میں ایک جوڑے کے نا م پر   دھمکی دی گئی ہے، جس میں کہا گیا ہے کہ اگلے چند دنوں میں ایئرپورٹ کو اڑا دیا جائے گا۔ اس کے بعد تمام سیکورٹی ایجنسیاں الرٹ ہیں۔ ایئر پورٹ پر سیکورٹی بھی سخت کر دی گئی ہے۔  ہفتہ کی شام میل   موصول ہوا، جس میں کہا گیا ہے کہ کرنبیر سوری عرف محمد جلال اور ان کی اہلیہ شیلی سارہ  عرف حسینہ اتوار کو سنگاپور سے ہندوستان آرہے ہیں۔ وہ اگلے ایک سے تین دنوں میں ائیرپورٹ پر بم نصب کرنے کا منصوبہ بنا رہے ہیں۔ یہ دھمکی آمیز میل موصول ہونے کے بعد سیکورٹی ایجنسیاں الرٹ ہو گئی ہیں۔ خاص طور پر، سی آئی ایس ایف، جو ہوائی اڈے کی حفاظت کا انچارج ہے، سے کہا گیا ہے کہ وہ خصوصی چوکسی اختیار کرے۔ ساتھ ہی دہلی پولیس کو ہدایت دی گئی ہے کہ وہ خفیہ یونٹوں کے ساتھ مسلسل رابطے میں رہتے ہوئے اس خطرے پر کڑی نظر رکھے۔</p>
<p dir="RTL" style="text-align: justify;">
<strong>دھمکی آمیز ای میل میں انتباہ</strong>  </p>
<p dir="RTL" style="text-align: justify;">
یہ میل ہفتے کی شام 5:45 بجے آئی ہے۔ یہ ای میل<span dir="LTR">india.212@protonmail.com </span>سے آئی ہے۔ اس ای میل کے موضوع میں لکھا تھا، "القاعدہ لیڈر کی جانب سے ائیرپورٹ پر بمباری کی سازش۔" اور پھر اس جوڑے کے نام پر دھمکی ہے۔ دھمکی آمیز میل موصول ہونے کے بعد ایئرپورٹ پر سیکورٹی بڑھانے کے ساتھ ساتھ یہاں آنے والے مسافروں کی تفتیش میں بھی اضافہ کیا گیا ہے۔ ائیرپورٹ کے تمام ٹرمینلز پر اینٹی سبوتاز چیکنگ بھی شروع کر دی گئی ہے۔ آنے والی گاڑیوں کو چیک کیا جا رہا ہے اور گشت بھی مسلسل کی جا رہی ہے۔</p>
<p dir="RTL" style="text-align: justify;">
<strong><span dir="LTR">21 </span></strong><strong>مارچ کو بھی دھمکی آمیز ای میل   موصول ہوا</strong></p>
<p dir="RTL" style="text-align: justify;">
تفتیش کے دوران پتہ چلا کہ اس طرح کے دھمکی آمیز میل ماضی میں بھی آئے تھے۔ پولیس کے مطابق اسی طرح کی ایک میل اس سال 21 مارچ کو بھی موصول ہوئی تھی، جس میں کرنبیر اور شیلی کو آئی ایس آئی ایس لیڈر کے طور پر ای میل  کیا گیا تھا۔ اس ای میل میں لکھا تھا کہ دونوں ائیر پورٹ آ رہے ہیں اور وہ ایک سے تین دنوں میں ائیر پورٹ پر بم دھماکے   کوشش  میں  ہیں۔ یہ میل پولیس کو<span dir="LTR">informer.igia@protonmail.com </span>سے آئی ہے۔</p>
<p dir="RTL" style="text-align: justify;">
 اس سے قبل 18 اپریل کو بھی دہلی ہوائی اڈے پر طیارے کو اڑانے کی دھمکی دی گئی تھی۔ یہ دھمکی بنگلور سے دہلی جانے والی فلائٹ میں واش روم میں رکھی ہوئی پرچی کے ذریعے دی گئی تھی، جس کے بعد لکھا گیا تھا کہ طیارے میں بم ہے اور جیسے ہی یہ دہلی ائیر پورٹ پر پہنچے گا اڑ جائے گا۔ پولیس کو اس وقت مطلع کیا گیا جب ایک مسافر نے طیارے کے واش روم میں ٹشو پیپر کے ٹکڑے پر لکھی یہ پرچی دیکھی۔ جیسے ہی طیارہ دہلی ہوائی اڈے پر پہنچا، بم ڈسپوزل اسکواڈ نے اس کی مکمل تلاشی لی۔ لیکن طیارے میں کوئی دھماکہ خیز مواد نہیں ملا۔</p>