راجدھانی میں پارہ 3 ڈگری سے نیچے گرا، سردی میں اضافہ

نئی دہلی،5 جنوری (انڈیا نیریٹو)

دہلی-این سی آر سمیت پورا شمالی ہندوستان شدید سردی کی گرفت میں ہے۔ جمعرات کی صبح دہلی کے کئی علاقوں میں کم سے کم درجہ حرارت 3 ڈگری سے نیچے ریکارڈ کیا گیا، جب کہ بدھ کو یہ 4 ڈگری ریکارڈ کیا گیا تھا۔

محکمہ موسمیات کے مطابق جمعرات کو لودھی روڈ میں درجہ حرارت 2.8 تک ریکارڈ کیا گیا جب کہ صفدرجنگ میں کم سے کم درجہ حرارت 3 ڈگری ریکارڈ کیا گیا۔ محکمہ موسمیات کی پیشین گوئی کے مطابق جمعرات کو دہلی کا اوسط کم سے کم درجہ حرارت 4 ڈگری سیلسیس اور زیادہ سے زیادہ درجہ حرارت 18 ڈگری رہنے کا امکان ہے۔

محکمہ موسمیات کے مطابق سردی کی لہر آئندہ تین روز تک جاری رہے گی۔ دہلی این سی آر میں سرد اور گھنا کوہرا چھایا رہے گا۔ اتوار سے درجہ حرارت میں معمولی اضافہ ہوگا۔