ذی الحجہ کا چاند نظر آ گیا،عید الاضحی 29جون کو

 ذی قعدہ کی 29تاریخ کو ملک بھر کی متعدد رویت ہلال کمیٹیوں کی جانب سے ذی االحجہ کا چاند دیکھنے کا اہتمام کیا گیا۔ملک کے متعدد مقامات سے رویت کی گواہی موصول ہونے کے بعد ہلال کمیٹیوں نے آج ذی الحجہ کے چاند کا اعلان کیا ہے۔

رویت ہلال کمیٹی امارت شرعیہ کی میٹنگ مفتی ذکاوت حسین قاسمی نائب امیر شریعت صوبہ دہلی کے زیر صدارت امارت شرعیہ کے مرکزی دفتر بہادر شاہ ظفر مارگ پر منعقد ہوئی۔ پریس کے نام ریلیز میں کہا گیا ہے کہ مرکزی دفتر میں چاند دیکھنے کا اہتمام کیا گیا۔

 دہلی میں مطلع ابر آلود تھا البہ ملک کے بیشتر مقامات اعظم گڑھ،جون پور،سرائے میر، مؤ مالیگاؤں،ناگپور،گلبرہ وغیرہ سے رویت عامہ کی اطلاعات موصول ہوئیں، اس لئے رویت ہلال کمیٹی امارت شرعیہ ہند نے اعلان کرتی ہے کہ 29کی رویت شرعا ثابت ہو گئی ہے۔

بتاریخ20جون2023بروز جمعرات ماہ ذی الحجہ 1444ہجری کی پہلی تاریخ ہوگی اور عید الاضحی کی نماز29جون بروز جمعرات ادا کی جائے گی۔دریں اثنا جامع مسجد دہلی  مرکزی رویت ہلال کمیٹی،شاہی مسجد فتح پوری رویت ہلال کمیٹی اور جمعیت اہل حدیث رویت ہلال کمیٹی کی جانب سے بھی ذی الحجہ کے چاند نظر آنے کا اعلان کیا گیا ہے۔