وزیراعظم کو دیے گئے 1222 تحائف خریدنے کا موقع،ای نیلامی ہفتے سے شروع

نئی دہلی، 16 ستمبر (انڈیا نیرٹیو)

 وزیر اعظم نریندر مودی کو موصول ہونے والے تحائف کی ای نیلامی ہفتہ (17 ستمبر) کی صبح سے شروع ہوگی۔ اس بار ای نیلامی میں نیتا جی سبھاش چندر بوس کے مجسمے سمیت 1,222 تحائف اور یادگاری نشانات شامل کیے گئے ہیں۔

ان میں رام دربار، رام مندر کی نقل اور ایودھیا میں تعمیر ہونے والا وشوناتھ مندر، شیو کا دیوہیکل ترشول، لوک فنکار اور کھیلوں کے سامان پر مبنی پینٹنگز شامل ہیں۔

مرکزی وزیر ثقافت جی کشن ریڈی نے جمعہ کو نامہ نگاروں کو بتایا کہ چار سال قبل شروع کی گئی اس پہل کے تسلسل میں اس بار بھی ہفتہ سے وزیر اعظم کو ملنے والے تحائف کی نیلامی شروع ہو رہی ہے۔

اس سال ای نیلامی کے لیے 1,222 تحائف اور میمنٹوز رکھے گئے ہیں۔ لوگ PM Memontos.in کی ویب سائٹ پر جا کر بولی لگا سکتے ہیں۔ نیلامی 2 اکتوبر تک جاری رہے گی۔

ریڈی نے بتایا کہ ان تحائف سے حاصل ہونے والی رقم نمامی گنگا کے ذریعے دریائے گنگا کے تحفظ کے نیک کام کے لیے دی جائے گی۔ نیشنل ماڈرن آرٹ گیلری میں کچھ تحائف مفت میں دیکھنے کے لیے موجود ہیں، لیکن ای نیلامی کی ویب سائٹ  پرتمام یادگاریں  موجود ہیں۔ اس نیلامی میں زیادہ سے زیادہ لوگ شرکت کریں۔