پٹرول اور ڈیزل ایک بار پھر مہنگا، دہلی میں پٹرول 108 روپے کے پار،پٹرول اور ڈیزل پھر 35 پیسے فی لیٹر مہنگا ہوا

<p dir="RTL" style="text-align: justify;">
نئی دہلی، 28 اکتوبر (انڈیا نیرٹیو)</p>
<p dir="RTL" style="text-align: justify;">
عالمی منڈی میں خام تیل کی قیمتوں میں کمی کے باوجود گھریلو مارکیٹ میں تیل مہنگا ہوتا جارہا ہے۔ پبلک سیکٹر آئل مارکیٹنگ کمپنیوں نے لگاتار دوسرے دن پٹرول اور ڈیزل کی قیمتوں میں 35 پیسے فی لیٹر تک اضافہ کیا ہے۔ اس اضافے کے ساتھ ہی دارالحکومت دہلی میں پٹرول 108.29 روپے فی لیٹر اور ڈیزل 97.02 روپے فی لیٹر پر پہنچ گیا ہے۔</p>
<p dir="RTL" style="text-align: justify;">
انڈین آئل کی ویب سائٹ کے مطابق ملک کے دیگر میٹرو ممبئی، چنئی اور کولکاتہ میں پٹرول کی قیمت بالترتیب 114.14 روپے، 105.13 روپے اور 108.78 روپے فی لیٹر ہو گئی ہے۔ اس کے ساتھ ہی ڈیزل کی قیمت بالترتیب 105.12 روپے، 101.25 روپے اور 100.14 روپے فی لیٹر پر پہنچ گئی ہے۔ غور طلب ہے کہ گزشتہ ایک ماہ کے اندر پیٹرول 7.10 روپے فی لیٹر مہنگا ہو گیا ہے، جب کہ ڈیزل بھی 8.40 روپے فی لیٹر مہنگا ہو گیا ہے۔</p>
<p dir="RTL" style="text-align: justify;">
قابل ذکر ہے کہ بین الاقوامی مارکیٹ میں خام تیل کی قیمت 2014 کے بعد بلند ترین سطح پر پہنچ گئی تھی۔ تاہم بدھ کو اس میں معمولی کمی دیکھی گئی۔ برینٹ کروڈ کی قیمت 84.36 ڈالر فی بیرل تک گر گئی۔ ساتھ ہی ڈبلیو ٹی آئی کروڈ کی قیمت بھی کم ہو کر 82.59 ڈالر فی بیرل پر آ گئی۔ دریں اثنا، گولڈمین سیکس کی ایک رپورٹ کے مطابق، اگلے سال برینٹ کروڈ کی قیمت $110 فی بیرل تک جا سکتی ہے۔</p>