وزیر اعظم پراچندا کا دورۂ ہند، کیا بھارت۔نیپال تعلقات کو نئی بلندی پر لے جائے گا؟

وزیر اعظم پشپا کمل دہل عرف پراچندا کے چار روزہ ہندوستانی دورے کو “خیر سگالی دورہ” قرار دیتے ہوئے، نیپال کے سفیر شنکر پی شرما نے بدھ کو کہا کہ یہ دورہ “نیپال اور ہندوستان کے تعلقات کو بہتر بنائے گا۔یہ بنیادی طور پر خیر سگالی کا دورہ ہے۔ مجھے لگتا ہے کہ ہم نے نیپال اور ہندوستان کے درمیان پچھلے ایک سال میں بہت ساری سرگرمیاں کی ہیں۔

ان میں سے کچھ اس بار شروع کی جائیں گی اور ان میں سے کچھ کا افتتاح کیا جائے گا، ان میں سے کچھ سنگ بنیاد ہوں گی۔  لہذا، پلیٹ میں بہت سی چیزیں ہیں۔ ہم امید کر رہے ہیں کہ یہ دورہ نیپال اور ہندوستان کے تعلقات کو اچھی اونچائی پر لے جائے گا۔

یہ پوچھے جانے پر کہ کیا  پرچندا کے دورہ ہند پرسرحدی مسائل پر کوئی بات چیت ہو گی، شرما نے کہا،’’آپ پی ایم سے پوچھیں، مجھے لگتا ہے کہ ہمیں ابھی بھی یہ دیکھنا باقی ہے‘‘۔

اپنے چار روزہ دورہ ہند کا آغاز کرتے ہوئے نیپال کے وزیر اعظم بدھ کو نئی دہلی پہنچے۔ پہنچنے پر مرکزی وزیر میناکشی لیکھی نے ان کا پرتپاک استقبال کیا۔ سرکاری مصروفیات کے علاوہ، نیپال کے وزیر اعظم اپنے دورے کے ایک حصے کے طور پر اجین اور اندور بھی جائیں گے۔

پرچندا، جنہوں نے گزشتہ دسمبر میں عہدہ سنبھالا تھا، وزیر اعظم نریندر مودی کی دعوت پر 31 مئی سے 3 جون تک ہندوستان کا دورہ کر رہے ہیں۔ آج دہلی میں، نیپال کے وزیر اعظم نے قومی سلامتی کے مشیر  اجیت ڈوول سے ملاقات کی۔