نئے حج پالیسی2023-2027کی تشکیل کے مرحلے کے لیے پیشگی مشاورتی میٹنگ

 وزارت اقلیتی امور (حکومت ہند) کی جانب سے تشکیل شدہ حج پالیسی2018-2022  کی مدت نفاذ کے اختتام کے بعد وزارت اب نئی حج پالیسی2023-2027 کی تشکیل کا مرحلہ شروع کر رہی ہے۔

اس ضمن میں ریاستی سطح پر منعقد ہونے والی ایک پیشگی مشاورتی میٹنگ کا انعقاد دہلی اسٹیٹ حج کمیٹی کے دفتر حج منزل،آصف علی روڈ، نئی دہلی میں کیا گیا۔اس میٹنگ کی صدارت حج کمیٹی آف انڈیا کے چیئرمین جناب اے۔پی۔عبداللہ کٹی نے کی۔

پروگرام کے انتظامات و نظامت دہلی اسٹیٹ حج کمیٹی کے ایگزیکٹو آفیسر جناب جاوید عالم خان اور ڈپٹی ایگزیکٹو آفیسر جناب محسن علی نے کی۔

اس میٹنگ میں مرکزی جمیعت اہل حدیث کے امیر جناب مولانا اصغر علی امام مہدی سلفی، جماعت اسلامی ہند کے سکریٹری جناب ملک معتصم خان،دہلی اسٹیٹ حج کمیٹی کے سابق ایگزیکٹو آفیسر جناب اشفاق احمد عارفی،دہلی اسٹیٹ حج کمیٹی کے سابق ممبر جناب سید شاداب حسین رضوی اشرفی۔

جناب مولانا مفتی شمیم احمد قاسمی،جناب مفتی منظر محسن،جناب مفتی نثار احمد، جناب مولانا عبدالسبحان،جناب محمد طارق، جناب امان اللہ خان، جناب حاجی محمد ادریس خان، جناب حاجی محمد ظہور، جناب ،جناب صدرالدین سیفی کے علاوہ حج2022کے تمام ڈسٹرک ٹرینرس، خادم الحجاج اور سماج کے معزز حضرات موجود تھے۔

جو اہم تجویزات جو پیش کی گئی ان میں کہا گیا کہ عازمین حج کے لیے مفصل مددگار چارٹ ہونا چاہیے، مکہ مدینہ کے ہوٹلوں اور بلڈنگوں میں پردے کامناسب نظم ہونا چاہیے،ایام حج میں مہیا کردہ غذا و لگیج اخراجات میں تخفیف ہونی چاہیے،منیٰ میں کھانے کے معیار کو بہتر بنایا جائے۔

منیٰ سے عازمین کو رات میں ہی عرفات کے لیے روانہ کر دیا جاتا ہے جب کہ مسنون یہ ہے کہ فجر کے بعد نکلا جائے، اگر ٹھوری بہتر منصوبہ بندی کی جائے تو اس کو بہتر کیا جا سکتا ہے۔