وزیر اعظم نریندر مودی جی 7سمٹ میں ورچوئل خطاب کریں گے

<p dir="RTL" style="text-align: justify;">
<strong>وزیر اعظم نریندر مودی جی <span dir="LTR">7</span>سمٹ میں ورچوئل خطاب کریں گے</strong></p>
<p dir="RTL" style="text-align: justify;">
وزیر اعظم نریندر مودی آج اور کَل جی 7 سمٹ کے آﺅٹ ریچ اجلاس میں ورچوئل طریقے سے شرکت کریں گے۔ برطانیہ کے وزیرا عظم بورس جانسن نے ، سمٹ کے لیےجناب مودی کو مدعو کیا ہے جو انگلینڈ میں کَل کورن وال میں شروع ہوئی ہے۔<span dir="LTR">G-7</span>کی صدارت، فی الحال برطانیہ کررہا ہے اور اُس نے<span dir="LTR">G-7</span>سمٹ کے لیے مہمان ملکوں کے طور پر ، آسٹریلیا، جنوبی کوریا اور جنوبی افریقہ کے ساتھ ساتھ بھارت کو مدعو کیا ہے۔ یہ میٹنگ<span dir="LTR">Hybrid </span>طریقے سے منعقد کی جارہی ہے۔ 7 ملکوں کا یہ گروپ، ایک غیر رسمی گروپ ہے جس میں امریکہ ، کینیڈا ، فرانس ، جرمنی، اٹلی، جاپان اور برطانیہ شامل ہیں۔</p>
<p dir="RTL" style="text-align: justify;">
سمٹ کا موضوع ”ماضی کے نقصانات کی بھرپائی ہے“ اوربرطانیہ نے اپنی صدارت کے لیے چار ترجیحی شعبوں کی نشاندہی کی ہے۔یہ ہیں مستقبل کی وباﺅں سے نمٹنے کے نظام کو مستحکم کرتے ہوئے کورونا وائرس سے عالمی بحالی کی قیادت، آزادانہ اور شفاف تجارت کی حفاظت کرکے مستقبل کی خوش حالی کو فروغ دینا، آب و ہوا میں تبدیلی پر قابو پانا اور کرہ ارض کے تنوع کا تحفظ کرنا، نیز مشترکہ اقدار اور کھلے معاشروں کی حمایت اور وکالت کرنا۔</p>
<p dir="RTL" style="text-align: justify;">
اسی دوران برطانیہ کے وزیر اعظم بورس جانسن نے ساتھی عالمی رہنماوں سے زور دے کر کہا ہے کہ وہ کووڈ وبا کے بعد ، بحالی کرکے ایک بہتر ماحول تیار کریں۔</p>
<p dir="RTL" style="text-align: justify;">
<span dir="LTR">Cornwall </span>میں<span dir="LTR">G-7 </span>سمٹ سے خطاب کرتے ہوئے وزیر اعظم جانسن نے کہا کہ یہ بات اہم ہے کہ 2008 کے مالی بحران کے دوران کی گئی غلطیوں سے سبق حاصل کیا جائے اور نا برابری سے نمٹا جائے۔</p>
<p dir="RTL" style="text-align: justify;">
<span dir="LTR">Carbis </span>خلیج کی سمندر کے کنارے تفریح گاہ پر ایک دن کی بات چیت کے بعد رہنما ، قریب کے ہی ایک مقام پر ملکہ کی طرف سے دیئے گئے ایک عشائیے میں شامل ہوئے۔سمٹ کے ایجنڈے میں کووڈ ویکسین کی تقسیم بھی سرفہرست ہے۔</p>
<p dir="RTL" style="text-align: justify;">
برطانیہ کے وزیر اعظم بورس جانسن نے ہندوستان کو جی۔ 7 کے توسیعی اجلاس میں بطور مہمان خصوصی مدعو کیا ہے۔ تفصیلی اجلاس میں بطور مہمان شرکت کے لیے آسٹریلیا ، جنوبی کوریا اور جنوبی افریقہ کے رہنماؤں کو بھی مدعو کیا گیا ہے۔</p>
<p dir="RTL">
وزارت خارجہ کے ترجمان اریندم باغچی نے جمعرات کے روز پریس بریفنگ میں بتایا کہ وزیر اعظم مودی جی۔ 7 کے توسیعی اجلاس میں دوسری بار شرکت کر رہے ہیں۔ اس سے قبل سال 2019 میں انہیں فرانس کی جانب سے اجلاس میں شرکت کی دعوت نامہ موصول ہوا تھا۔</p>
<p dir="RTL">
امریکہ ، جاپان ، برطانیہ ، فرانس ، جرمنی ، اٹلی اور کینیڈا پر مشتمل جی۔ 7 بلاک کے اجلاس میں شرکت کے لیے عالمی رہنما لندن میں ہیں۔ اس سے قبل وزیر اعظم مودی کو بھی اس اجلاس میں شرکت کے لیے وہاں جانا تھا لیکن کورونا وبا کی وجہ سے وزیر اعظم نے اپنا برطانیہ کا دورہ منسوخ کردیاتھا۔</p>
<p dir="RTL">
ترجمان کے مطابق ، جی ۔7 اجلاس میں کورونا وبا سے نمٹنے کے اقدامات کے ساتھ ساتھ معیشت کو دوبارہ پٹری پر لانے کی کوششوں پر بھی تبادلہ خیال کیا جائے گا۔</p>