سمندرگپتاکشیپ اورچاردیگرافرادکوآئی آئی ایم سی اے اے’لائف ٹائم اچیومنٹ ایوارڈ’سےنوازاگیا

گوہاٹی میں مقیم نامور صحافی ڈاکٹر سمندر گپتا کشیپ اور انڈین انسٹی ٹیوٹ آف ماس کمیونیکیشن(آئی آئی ایم سی) کے چار دیگر سابق طلباکو اتوار کو نئی دہلی میں ایک شاندار تقریب میں آئی آئی ایم سی ایلومنائی ایسوسی ایشن کے ذریعہ “لائف ٹائم اچیومنٹ ایوارڈز” سے نوازا گیا۔

یہ ایوارڈز آئی آئی ایم سی کے ڈائریکٹر جنرل پروفیسر سنجے دویدی نے تقسیم کئے۔ 1980 کی دہائی کے وسط میں آئی آئی ایم سی سے ترقیاتی صحافت میں پوسٹ گریجویٹ ڈاکٹر کشیپ نے 2020 میں آسام میں اسٹیٹ انفارمیشن کمشنر کے طور پر تعینات ہونے سے پہلے، تقریباً چار دہائیوں تک صحافی کے طور پر خدمات انجام دیں۔

ایوارڈ کے دیگر چار فاتحین میں تجربہ کار کمیونیکیشن ریسرچر اور آئی آئی ایم سی کی سابق ڈین پروفیسر گیتا بامیزئی، ‘ماسٹر مائنڈ انڈیا’ کی تجربہ کار ٹی وی پروڈیوسر اور ‘ کون بنے گا کروڑ پتی’ فیم انیتا کول باسو، تجربہ کار سیاسی مبصر پرکاش پاترا اور سینئر آئی آئی ایس افسر اے اوراگ واجپئی ہیں۔

 شمال مشرق سے آئی آئی ایم سی کے دو دیگر سابق طلباء، ٹائمز ناؤ نارتھ ایسٹ کے نامہ نگار نیبر ڈیکا اور میزورم کے چیف کنزرویٹر آف فاریسٹ پی لی ایٹے بھی 2023 کے لیے آئی آئی ایم سی ایلومنائی ایسوسی ایشن کے مختلف ایوارڈ جیتنے والوں میں شامل تھے۔

 ایک آئی ایف ایس آفیسر، کو پبلک سروس کے لیے ایک ایوارڈ کے لیے چنا گیا۔1967 میں قائم کیا گیا، انڈین انسٹی ٹیوٹ آف ماس کمیونیکیشن دنیا کا سب سے مشہور ادارہ ہے جو ترقیاتی مواصلات، تعلقات عامہ اور اشتہارات میں مہارت رکھتا ہے۔ اس کے سابق طلباپوری دنیا میں پھیلے ہوئے ہیں۔