کانگریس کے ممبر پارلیمنٹ راہل گاندھی
سزا 30 دن کے لیے سسپنڈ، راہل 10 ہزار روپے کے مچلکے پر رہا
سورت/ احمد آباد، 23 مارچ ( انڈیا نیرٹیو)
سورت ڈسٹرکٹ کورٹ نے کانگریس کے ممبر پارلیمنٹ راہل گاندھی کوان کے ‘مودی سرنیم’ والے بیان پر ان کے خلاف دائر مجرمانہ ہتک عزت کے مقدمے میں قصوروار ٹھہرانے کے بعد دو سال قید کی سزا سنائی ہے۔ فی الحال سزا کو 30 دن کے لیے معطل رکھتے ہوئے انہیں اپیل کا موقع دیا گیا ہے۔ اس کے ساتھ ہی 10 ہزار کے مچلکے پر ضمانت بھی کر دی گئی ہے۔
13 اپریل 2019 کو راہل گاندھی نے بنگلورو کے قریب کولار میں ایک انتخابی ریلی میں مودی کنیت کے حوالے سے ایک متنازعہ بیان دیاتھا۔ انہوں نے کہا تھا کہ تمام چوروںکا سرنیم مودی کیوں ہے؟ اس پر سورت ویسٹ کے ایم ایل اے پورنیش مودی نے راہل کے خلاف ہتک عزت کی درخواست دائر کی۔ اس معاملے میں عدالت نے انہیں آئی پی سی کی دفعہ 490 اور 500 کے تحت مجرم قرار دیا ہے۔
سورت میں استقبال میں بینر پوسٹر لگائے گئے
راہل گاندھی صبح تقریباً 11 بجے سورت ایئرپورٹ پہنچے۔ یہاں پارٹی کارکنوں نے ان کا پرتپاک استقبال کیا۔ کانگریس کے گجرات ریاستی انچارج رگھو شرما، ریاستی صدر جگدیش ٹھاکر، قائد حزب اختلاف امت چاوڑا اور کئی دوسرے لیڈر سورت پہنچے۔ نامہ نگاروں سے بات کرتے ہوئے ریاستی انچارج رگھو شرما نے راہل گاندھی پر لگائے گئے الزامات کو بے بنیاد قرار دیتے ہوئے کہا کہ سچ کی جیت ہوتی ہے۔
انہوں نے کہا کہ ایسی بہت سی مثالیں ہیں، جب سپریم کورٹ اور دیگر عدالتوں کے فیصلوں میں انصاف ملا ہے۔ یہ صرف پریشان کرنے کی سیاست ہے، جو بی جے پی نے شروع کی ہے۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…