مرکزی حکومت کا 1700 کلومیٹر طویل’فرنٹیئر ہائی وے’بنانے کا منصوبہ

نئی دہلی۔19؍ دسمبر

 حکومت، اگلے پانچ سالوں میں، اروناچل پردیش میں ایک نئی ہائی وے بنائے گی جو ہندوستان۔تبت۔چین۔میانمار سرحد کے قریب سے گزرے گی۔کچھ مقامات پر، ‘فرنٹیئر ہائی وے’ بین الاقوامی سرحد سے 20 کلومیٹر کے تصویر قریب ہو گی۔ 1,748 کلومیٹر طویل دو لین والی سڑک، جس کی بڑی تزویراتی اہمیت ہے اور اس کا مقصد سرحدی علاقوں سے لوگوں کی نقل مکانی کو روکنا ہے۔

 سڑک ٹرانسپورٹ کی وزارت اس  روڈ کی  تعمیر کرے گی۔ یہ سب سے طویل  نیشنل ہائی وےہے جسے مرکز نے حالیہ دنوں میں ایک بار میں مطلع کیا ہے۔یہ سڑک، جسےاین ایچ۔913 کے نام سے موسوم کیا گیا ہے، سرحد پر دفاعی افواج اور آلات کی بغیر کسی رکاوٹ کی نقل و حرکت کے لیے ایک بڑا فروغ بنے گا جو چین کی طرف سے بار بار دراندازی کی کوششوں کو دیکھ رہا ہے۔

 مبینہ طور پر چین ایل اے سی کے اپنے اطراف میں بنیادی ڈھانچہ تعمیر کر رہا ہے۔ ہائی وے بومڈیلا سے شروع ہو کر نفرا، ہوری اور مونیگونگ سے گزرے گی، جو کہ ہندوستان۔تبت سرحد پر قریب ترین مقام ہے۔ یہ سڑک جیڈو اور  چینکنٹی سے بھی گزرے گی، جو چین کی سرحد کے سب سے قریب ہیں، اور بھارت-میانمار کی سرحد کے قریب، وجے نگر پر ختم ہو جائیں گی۔

 سرکاری اہل کار کے مطابق  پورے حصے کو نو پیکجوں میں تقسیم کیا گیا ہے۔ اگرچہ سڑک کے ٹرانسپورٹ کے وزیر نتن گڈکری نے کہا تھا کہ اس منصوبے پر تقریباً 27,000 کروڑ روپے لاگت آئے گی۔ کچھ پل اور سرنگیں بھی ہوں گی۔ ہم نے 2024-25 میں تمام کاموں کی منظوری مکمل کرنے کا منصوبہ بنایا ہے اور عام طور پر اس میں وقت لگتا ہے۔ تعمیر مکمل ہونے میں تقریباً دو سال لگیں گے۔