بھارتی فضائیہ کے لیے ٹرانسپورٹ ہوائی جہاز ہندوستان میں بنائے جائیں گے

 پی ایم مودی  30اکتوبر کو منصوبے کا سنگ بنیاد رکھیں گے

 نئی دہلی، 27؍ اکتوبر

میک ان انڈیا’ اور گھریلو ایوی ایشن مینوفیکچرنگ کو ایک بڑے فروغ میں، وزیر اعظم جناب نریندر مودی 30 اکتوبر 2022 کو گجرات کے وڈودرا میں ہندوستانی فضائیہ  کے لیے ٹرانسپورٹ ہوائی جہاز بنانے کے منصوبے کا سنگ بنیاد رکھیں گے۔

رکشا منتری شری راج ناتھ سنگھ، شہری ہوابازی کے وزیر جناب جیوترادتیہ ایم سندھیا اور گجرات کے وزیر اعلیٰ بھوپیندر بھائی پٹیل ان لوگوں میں شامل ہیں جو اس تقریب میں شرکت کریں گے۔

یاد رہے کہ کیبنٹ کمیٹی برائے سیکورٹی نے 08 ستمبر 2021 کو میسرز ایئربس ڈیفنس اینڈ اسپیس ایس اے، اسپین سے 56 C-295MW ٹرانسپورٹ طیاروں کی خریداری کی منظوری دی تھی۔ 24 ستمبر 2021 کو وزارت دفاع نے میسرز ایئر بس  ڈیفنس اینڈ  سپیس  ایس۔

اےکے ساتھ متعلقہ آلات کے ساتھ طیارے کے حصول کے لیے ایک معاہدے پر دستخط کیے۔27 اکتوبر 2022 کو نئی دہلی میں ایک پریس کانفرنس سے خطاب کرتے ہوئے، سیکریٹری دفاع ڈاکٹر اجے کمار نے کہا، معاہدے کے ایک حصے کے طور پر، 16 طیارے فلائی وے حالت میں فراہم کیے جائیں گے اور 40 طیارے ہندوستان میں ہندوستانی ہوائی جہاز کے ٹھیکیدار،ٹاٹا کنسورشیم کے ذریعہ تیار کیے جائیں گے۔

دفاعی محکمہ  کے ایک بیان کے مطابق  یہ  اپنی نوعیت کا پہلا منصوبہ ہے جس میں ایک نجی کمپنی کی جانب سے بھارت میں فوجی طیارہ تیار کیا جائے گا۔ اس پروجیکٹ کی کل لاگت 21,935 کروڑ روپے ہے۔

طیارے کو شہری مقاصد کے لیے بھی استعمال کیا جا سکتا ہے۔  پہلے 16 فلائی اوے ہوائی جہاز ستمبر 2023 اور اگست 2025 کے درمیان موصول ہونے والے ہیں۔ پہلا میڈ ان انڈیا ہوائی جہاز ستمبر 2026 سے متوقع ہے۔