یوپی انتخابات: یوگی آدتیہ ناتھ 88 ہزارسے زیادہ ووٹوں سے کامیابی، اترپردیش کی کرسی میں بی جے کا قبضہ

<p dir="RTL" style="text-align: justify;">
بھارتیہ جانتا پارٹی (بی جے پی) امیدوار اور وزیر اعلیٰ یوگی آدتیہ ناتھ نے اتر پردیش کے گورکھپور شہر اسمبلی حلقہ سے 88 ہزار سے زیادہ ووٹوں سے کامیابی حاصل کی۔ انہوں نے اپنے قریبی حریف  سماجوادی پارٹی (ایس پی) کی سبھاوتی شکلا کو شکست دی۔</p>
<p dir="RTL" style="text-align: justify;">
وزیر اعلیٰ یوگی آدتیہ ناتھ نے پہلی بار اسمبلی انتخابات میں حصہ لیا، 88,889 ووٹوں کے فرق سے جیت گئے۔ یوگی کو 1,43,597 ووٹ ملے اور ایس پی کی سبھاوتی شکلا کو 54,708 ووٹ ملے۔ آدتیہ ناتھ کی وجہ سے گورکھپور سیٹ ریاست کی سب سے ہاٹ سیٹ بن گئی تھی۔ اس سیٹ پر آدتیہ ناتھ کی جیت اب تک کی سب سے بڑی جیت ہے۔</p>
<p dir="RTL" style="text-align: justify;">
اس سیٹ سے آزاد سماج پارٹی (کانشی رام) کے چندر شیکھر کو 6795، کانگریس کے ڈاکٹر چیتنا پانڈے کو 2490، بی ایس پی امیدوار خواجہ شمس الدین کو 7381 ووٹ ملے۔ ساتھ ہی نوٹا کے حق میں 1065 ووٹ ڈالے گئے۔ گنتی کے 22ویں مرحلے میں آدتیہ ناتھ 80,000 ووٹوں سے آگے تھے، جب کہ 12ویں مرحلے میں وہ 40,144 ووٹوں سے آگے تھے۔ ووٹوں کی گنتی شروع ہوتے ہی آدتیہ ناتھ نے برتری حاصل کرنا شروع کر دی تھی جو آخر تک برقرار رہی۔</p>