قومی دارالحکومت میں اومیکرون کے بڑھتے ہوئے واقعات کی وجہ سے ہفتے کے آخر میں کرفیو

<p dir="RTL" style="text-align: justify;">
<strong> پوری صلاحیت سے چلے گی، بس اور میٹرو</strong></p>
<p dir="RTL" style="text-align: justify;">
راجدھانی میں اومیکرون  انفیکشن کے بڑھتے ہوئے کیسز کے پیش نظر لیفٹیننٹ گورنر انیل بیجل کی صدارت میں منگل کو ہونے والی میٹنگ میں ہر ہفتے رات کو کرفیو نافذ کرنے کا فیصلہ کیاگیا۔ دہلی میں یہ کرفیوہرہفتہ جمعہ کی رات10 بجے سے پیر کی صبح 5 بجے نافذہوگا۔ یعنی ہفتہ اور اتوار کو پورے دن اور رات کے لیے کرفیو رہے گا۔ یہ فیصلہ دہلی ڈیزاسٹر مینجمنٹ اتھارٹی (<span dir="LTR">DDMA</span>) کی میٹنگ میں لیا گیا ہے۔اس کے ساتھ ہی میٹرو اور بسوں کو بھی پوری صلاحیت کے ساتھ چلانے کی اجازت دی گئی ہے۔</p>
<p dir="RTL" style="text-align: justify;">
نائب وزیر اعلیٰ منیش سسودیا نے ایک نامہ نگار کو یہ اطلاع دی۔ انہوں نے کہا کہ ویک اینڈ کرفیو کے دوران صرف ضروری خدمات میں مصروف ملازمین اور گاڑیوں کو ہی جانے کی اجازت ہوگی۔ غیر ضروری طور پر گھروں سے باہر نکلنے والوں کے خلاف پولیس کارروائی کرے گی۔ دہلی میں رات کا کرفیو پہلے سے ہی نافذ ہے۔</p>
<p dir="RTL" style="text-align: justify;">
نائب وزیر اعلیٰ منیش سسودیا نے کہا کہ راجدھانی سمیت پورے ملک میں کورونا انفیکشن کے معاملات تیزی سے بڑھ رہے ہیں۔ یہ راحت کی بات ہے کہ بین الاقوامی سطح پر اس رجحان کے بارے میں بہت کچھ سیکھنے کو ملا۔ انہوں نے مزید بتایا کہ پچھلے 8-10 دنوں میں سامنے آنے والے کیسز میں سے 11 ہزار اب بھی ایکٹو کیسز ہیں۔ ان میں سے 350 ہسپتال میں داخل ہیں۔ ان 350 کیسز میں ایئرپورٹ سے آنے والے لوگ بھی شامل ہیں۔ جن میں سے 124 آکسیجن پر ہیں۔ اس کے علاوہ سات مریض وینٹی لیٹر پر ہیں۔</p>
<p dir="RTL" style="text-align: justify;">
ماہرین اس بات پر متفق ہیں کہ اومیکرون کا بہت معمولی اثر ہے۔ اس لیے احتیاطی تدابیر اختیار کر کے اس سے بچا جا سکتا ہے۔ وزیر اعلیٰ نے لوگوں سے اپیل کی ہے کہ وہ حفاظت کے لیے ماسک پہنیں اور انفیکشن کی صورت میں گھر میں آئسولیشن ہی بہترین حل ہے۔ اگر آپ کو سانس لینے میں دشواری ہو رہی ہو تو ہی ہسپتال جائیں۔</p>
<p dir="RTL" style="text-align: justify;">
<strong>ڈی ڈی ایم اے اجلاس میں کیے گئے فیصلے</strong></p>
<p dir="RTL" style="text-align: justify;">
ہفتہ اور اتوار کو کرفیو رہے گا، ضروری خدمات کے علاوہ تمام سرکاری ملازمین گھر سے کام کریں گے، پرائیویٹ دفاتر 50 فیصد گنجائش کے ساتھ کھلیں گے، بسیں اور میٹرو پوری استعداد کے ساتھ چلیں گی، تاہم ماسک کے بغیر داخلے کی اجازت نہیں ہوگی۔ انہوں نے کہا کہ دہلی میں تیزی سے جانچ کی جائے گی۔</p>