احمد فراز: زندگی اور تخلیقی میراث

<p dir="RTL" style="text-align: justify;">
<strong>پروفیسر قربانوف حیدر  صدر شعبہ اردو،</strong></p>
<p dir="RTL" style="text-align: justify;">
<strong> تاجک نیشنل یونیورسٹی، دوشنبہ، تاجکستان</strong></p>
<p dir="RTL" style="text-align: justify;">
بیسویں صدی کے اردو ادب میں بہت سے ایسے شاعر نظر آتے ہیں جنہوں نے اپنی تخلیقات سے برصغیر پاک و ہند اور بین الاقوامی سطح پر بڑی شہرت حاصل کی۔ محمد اقبال (1938- 1877)، فیض احمد فیض (1982- 1911)، حفیظ جالندھری (–(1982- 1900)، جوش ملیح آبادی (1982- 1894)، فراق گھورکپوری (1986- 1896)، پروین شاکر (1994-1952)، احمد فراز (2008- 1931) وغیرہ جیسے باکمال شعراء پر اردو ادب کو فخر ہے۔ انہوں نے اردوادب کے فروغ میں نمایاں کردار ادا کیا۔ یہ ایسے ادیب تھے جنہوں نے بیسویں صدی کے انسان کا سامنا کیا اور انسانی وقار سے کبھی لاتعلق نہ رہ سکے۔</p>
<p dir="RTL" style="text-align: justify;">
<img alt="" src="https://urdu.indianarrative.com/upload/news/Ahmad_Faraz1.webp" /></p>
<p dir="RTL" style="text-align: justify;">
 نیز سماجی ناہمواریوں کے خلاف مسلسل جدوجہد کی۔ قدرتی طور پر، ان کے گراں قدر کام نے ملکی اور غیر ملکی دانشوروں کی توجہ مبذول کی۔ اس مشکل دور میں فیض احمد فیض کے شاگرد اور ان کے مرشد کی ادبی روایت کو جاری رکھنے والے ایسے ہی شاعروں میں سے ایک احمد فراز تھے۔ فراز نے سب سے پہلے اپنی رنگین نظموں سے ادبی منظر نامے پر قدم رکھا اور بہت ہی کم عرصے میں کافی مقبول ہو گئے۔ اپنی مشکلاور ناگفتہ بیہ حالات زندگی میں احمد فراز نے '' تنہا تنہا'' (1958)، ''درد اشوب'' (1966)، ''نایافت'' (1970)، ''جانان جانان'' (1976)، ''شب  خون''  (1971)، ''بے آواز گلی کوچوں میں '' (1982)، ''نابینا شہر میں آئینہ'' (1984)، ''پس انداز موسم'' (1989)، ''سب آوازیں میری ہیں '' (1985)، ''خواب گل پریشان ہے'' (1994)، ''غزل بہانہ کروں » (2001) جیسے شاہکار مشہور مجموعے اردو ادب کو دئیے۔ اور شاعرانہ ڈرامے ''میرے خواب ریزہ  ریزہ'' (1972) اور  ''بود لک'' (1994) سے بھی  ایک وسیع حلق? ادب کو متاثر کیا اور بیحد مقبول ہوئے۔</p>
<p dir="RTL" style="text-align: justify;">
سوویت یونین کی سابقہ جمہوریہ کے متعدد انڈولوجیکل مراکز میں روس، قزاکستان، ازبکستان اور تاجکستان کے دانشوروں نے ہندوستان اور پاکستان کے مختلف ادبی مسائل کا مطالعہ کیا اور اس پر خامہ فرسائی کی۔ اپنے زمانے میں اے پی بارنیکوف، اے ایس برخوداروف، وی ایم بیسکروینی، وی پی چیلیشیو، جی اے زوگراف اور دیگر معروف ماہرِ ہند نے ہندوستان اور پاکستان کی مختلف زبانوں اور ادب کی بہتری کے لئے اہم کردار ادا کیا تھا۔ انہوں نے ہندوستان اور پاکستان کی زبانوں اور ادب کے مختلف پہلوؤں کاغائرمطالعہ کیا اور آج ان کی مثبت سرگرمیوں کے نتائج تاجکستان سمیت سوویت یونین کی سابقہ جمہوریہ کی انڈولوجیکل سائنس کی بنیاد ہیں۔ تاہم، ان کی تخلیقات میں، کہیں بھی ہمیں ممتاز پاکستانی شاعر احمد فراز کے لیے وقف کردہ ایک دو جملے نہیں ملے۔</p>
<p dir="RTL" style="text-align: justify;">
اردو کی ادبی تنقید میں، دوسرے ادبی کاموں کی طرح، بیسویں صدی کے دوسرے نصف کے آغاز میں ادبی عمل کے مطالعہ پر خصوصی توجہ دی گئی۔ یہ دور ادب کی تجدید،</p>
<p dir="RTL" style="text-align: justify;">
قرون وسطی کی رکاوٹوں سے منتقلی پر مبنی ہے۔ ملک بھر میں پھیلی ہوئی سماجی، اقتصادی اور سیاسی جدوجہد نے لاکھوں ہندوستانیوں اور پاکستانیوں کو بیدار کرنے میں مدد کی۔ مختلف واقعات کی عکاسی، بعض اوقات عوامی زندگی میں بھی تضاد، ادب میں بہت واضح طور پر ظاہر ہوتا ہے۔ نئے خیالات اور نظریات کی جدوجہد میں، بہت سے باصلاحیت شاعر اور ادیب ادبی میدان میں داخل ہوتے ہیں، جو نہ صرف ہندوستان اور پاکستان میں بلکہ بیرون ملک بھی اپنے گراں قدر خدمات کے لیے مشہور ہیں۔</p>
<p dir="RTL" style="text-align: justify;">
1947 میں حصول آزادی کے بعد سے، پاکستان کا کثیر لسانی ادب اردو، سندھی، پنجابی، پشتو، بلوچ (1971 تک بنگالی) اور شمالی ہندوستان کے عام لوگوں کی بولی جانے والی زبان پر مبنی ہے۔  چونکہ طویل عرصے سے اردو اس ریاست کے لوگوں کے رابطے کی صوبائی زبان کے درمیان رہی ہے، اس لیے اس زبان میں ادب ترقی کی راہ پر گامزن رہا۔</p>
<p dir="RTL" style="text-align: justify;">
جمہوریہ تاجکستان میں، پاکستان کے فارسی اور اردو کے ادب سے واقفیت اور مطالعہ کا آغاز بیسویں صدی کے دوسرے نصف میں شروع ہوا۔ جب 1957 میں تاجک شاعر میرسید میرشاکر ہندوستان سے واپسی کے بعد پہلی بار مشرق کے ممتاز شاعر اور فلسفی علامہ محمد اقبال کی فارسی زبان میں نظموں کا مجموعہ تاجکستان لائے اور 1958 میں تاجک زبان میں ان کی کئی نظمیں شائع کیں۔ تاجکستان میں اردو شاعر محمد اقبال کے تعلق سے یہ پہلی اشاعت تھی۔ اس وقت سے، اس عظیم شاعر کی تخلیقات تاجکستان میں باقاعدگی سے شائع ہوتی رہی ہیں۔ مشہور تاجک مستشرقین جیسے عبدللہ جان غفاروف، حبیب للہ رجبوف، ممتاز عثمانوف، شرافنیسا پلاتوا وغیرہ کے کئی برسوں کی قابل ذکرخدمات کی بدولت، تاجک عوام ہندوستان اور پاکستان کے ادب کے مختلف دانشوروں، مفکرین اور سیاسی نمائندوں سے واقف ہوئے جیسے مہاتما گاندھی، جواہر لعل نہرو، اندرا گاندھی، محمد اقبال، مرزا اسد اللہ غالب، الطاف حسین حالی، فیض احمد فیض، رابندر ناتھ ٹیگور، اٹل بہاری واجپئی، پریم چند، یشپال وغیرہ وغیرہ۔ پریم چند، موہن راکیش، پھنشورناتھ رینو، حفیظ جالندھری اور متعدد دیگر ہندوستانی مصنفین اور ممتاز ادیبوں کی زندگی اور ان کی خدمات پر تاجک دانشوروں اور محققین نے کتابیں لکھی ہیں جن میں ان کی پوری شخصیت سمٹ آئی ہے- تاہم، یہاں بھی احمد فراز کے بارے میں تاجک دانشوروں اور محققین کی رائے نہیں ملتی۔ نو تشکیل شدہ ملک پاکستان میں اردو شاعری کی ترقی محمد اقبال کے مساوی طور پر فیض احمد فیض سے جڑی ہوئی ہے  جن کی تخلیقات ''نقش فریادی'' (1941)، ''دست صبا'' (1953)، ''دست تہ سنگ'' (1964)، ''سر وادی سینا'' (1970)، ''زندان نامہ'' (1941) دیکھی جا سکتی ہے۔</p>
<p dir="RTL" style="text-align: justify;">
تاجک دانشوروں اور ادیبوں کے ہندو پاک دورے اور دونوں قوموں کے ماضی و حال کی تاریخ سے ان کی قریبی واقفیت نے شاعروں اور ادیبوں کو متاثر کیا اور نئی نئی</p>
<p dir="RTL" style="text-align: justify;">
تخلیقات روشنی میں آئیں۔  تاجک قارئین کی پہلی ملاقات فیض احمد فیض سے تاجک شاعر مرزا ترسنزادے کی تخلیقات کے ذریعے ہوئی۔ ترسن زادے کے کلام میں، مشرق کے موضوعات اور خاص طور پر ہندوستان اور پاکستان کو ایک خاص مقام حاصل ہے۔ لہٰذا، بین الاقوامی شاعر کی ہند – پاکستانی عوام کی زندگی اور ان کے مسائل پر خصوصی توجہ نے نئی فکر کو بہت فروغ دیا جس سے قومی آزادی کی تحریک کے مختلف مراحل،  امن اور جدوجہد سے واقفیت حاصل ہوئی ہے۔ ''میرے پیارے'' نظم میں ترسن زادے نے فیض کی اندرونی دنیا کو واضح علامتی تصویروں کے ساتھ پیش کیا ہے۔ بعد ازاں فیض احمد فیض کی نظمیں تاجک پریس  میں شائع ہونے لگیں۔</p>
<p dir="RTL" style="text-align: justify;">
 1977 میں، تاجک ایس ایس آر کی اکیڈمی آف سائنسز کے انسٹی ٹیوٹ آف اورینٹل اسٹڈیز کے ماہرین حبیب اللہ رجبوف اور عبدللہ جان غفاروف نے فیض کے شعری مجموعوں ''نقش فریادی''، ''دست صبا''، ''دست تہ سنگ'' اور ''زندان نامہ '' سے نظمیں انتخاب کر تاجکی زبان میں ترجمہ کیا اور یہ کام '' روح آزاد '' کے نام سے کتابچہ کی شکل میں شائع کیا۔ اب تک تاجک زبان میں فیض احمد فیض کی ترجمہ شدہ نظموں کی یہ اولین تصنیف ہے۔</p>
<p dir="RTL" style="text-align: justify;">
درحقیقت، ہندوستان اور پاکستان کے اس عظیم شاعر احمد فراض کا نام دنیا کے تمام امن پسند لوگوں کو بہت عزیز ہے، اس کی بنیادی وجہ یہ ہے کہ انہوں نے اپنے ملک کے نشیب و فراز میں سائنس اور روشن خیالی کے چراغ کو روشن کیا۔ حب الوطنی، انسانی عظمت اور ترقی کی پیروی کی۔ فیض احمد فیض اپنی تخلیقات میں اپنے زمانے کے سماجی و اخلاقی مسائل پر مسلسل توجہ دیتے رہے اور اپنے دور کے ممتاز شاعر علامہ محمد اقبال کی آواز کو بلند کیا۔ جسے اردو اور تاجکی ادب کی تاریخ میں اخلاقیات کے ماہر کے طور پر جانا جاتا ہے۔</p>
<p dir="RTL" style="text-align: justify;">
احمد فراز 12 جنوری 1931 کو پاکستان کے شمال مغربی صوبے کے علاقے کوہاٹ میں پیدا ہوئے۔ ان کا اصل نام سید احمد شاہ علی ہے اور تخلص فراز۔ شاعر کے والد سید محمد شاہ بارک (1903-1979) ایک مشہور ثقافتی شخصیت تھے  اور ایک مشہور فارسی اور اردو شاعر کے طور پر، وہ آغا برق کوہاٹی کے نام سے مشہور تھے۔ فراز اپنے آبائی شہر میں ہائی اسکول گئے لیکن کچھ عرصے بعد خاندانی مسائل کی وجہ سے انہیں پشاور کے ایڈورڈ کالج میں منتقل کر دیا گیا۔ جہاں سے گریجویٹ کی سند  حاصل کرنے کے بعد، احمد فراز پشاور یونیورسٹی میں فارسی اور اردو میں ایم اے میں داخل ہوئے اور اس یونیورسٹی سے کامیابی کے ساتھ فارغ التحصیل ہوئے اور ماسٹر ڈگری حاصل کی۔ احمد فراز کے تین بھائی اور ایک بہن تھی۔ ان کے بڑے بھائی سید محمود شاہ برٹش ایئرویز میں ملازم تھے۔ ان کے دوسرے بھائی، سید مسعود کاوسر، پاکستان کے شمال مغربی صوبے میں وزیر تھے۔ ان کا تیسرا بھائی، سید حامد شاہ 34 سال کی عمر میں ایک کار حادثے میں انتقال کر گیا، اور یہ سانحہ فراز کے والد کی ناگہانی موت کی ایک</p>
<p dir="RTL" style="text-align: justify;">
وجہ بن گیا۔ ان کی چھوٹی بہن افتخار ناہید آج کل راولپنڈی شہر میں مقیم ہیں۔ احمد فراز نے اپنی زندگی میں دو شادیاں کیں۔ پہلی شادی زیادہ دیر نہ قائم رہ سکی۔ دوسری شادی 1956 میں ریحانہ فراز نامی پاکستانی لڑکی سے کی جس سے فراض کے تین بیٹے ہوئے۔ ان کے بڑے بیٹے سعدی فراز نے فوجی پیشہ کا انتخاب کیا- ان دنوں وہ پاکستان آرمی میں بطور میجراپنی خدمات انجام دے رہے ہیں۔ ان کے دوسرے بیٹے شبلی فراز ڈاکٹریٹ کے بعد امریکہ چلے گئے اور وہیں سکونت اختیار کر لی۔ ان کے تیسرے بیٹے سرمد فراز کے بارے میں کوئی صحیح معلومات حاصل نہیں ہو سکی ہیں۔  احمد فراز کو بچپن سے شاعری کا شوق تھا۔ کالج کے طالب علمی کے دوران ہی انہوں نے ریڈیو پاکستان کے پروگراموں کے لیے سکرپٹ لکھنا شروع کیا۔ نیز بیک وقت ریڈیو میں اناؤنسر کے طور پر بھی کام کیا. ان کی نظموں کا پہلا مجموعہ ''تنہا تنہا'' ان کے طالب علمی کے زمانہ میں، 1958 میں منظر عام پر آیا۔ یہ وہ زمانہ تھا جب ہندوستان آزادی حاصل کر چکا تھا اور دو الگ الگ ملکوں – ہندوستان اور پاکستان میں تقسیم ہوا۔ کالج سے فارغ ہونے کے بعد،احمد فراز رضاکارانہ طور پر ریڈیو پاکستان کی سٹیٹ کمیٹی سے مستعفی ہو گئے اور پشاور یونیورسٹی میں بطور لیکچرار ان کا تقررعمل میں آیا۔ یونیورسٹی میں قیام کے دوران 1966 میں، انہوں نے اپنی نظموں کا دوسرا مجموعہ ''درد اشوب'' شائع کیا جسے رائٹرز یونین آف پاکستان کی طرف سے بہت سراہا گیا اور انہیں ''آدم جی ادبی ایوار'' سے نوازا گیا۔ 1970 میں احمد فراز نے نظموں کا مجموعہ ''نایافت''، 1971 میں لوک گیتوں کا مجموعہ ''شب خون''، 1972 میں  شاعرانہ ڈراموں کا مجموعہ ''میریخواب ریزہ ریزہ'' اور 1976 میں ان کی نظموں کا مجموعہ '' جانان جانان'' منظر عامم پر آیا – واضح رہے کہ جنرل ضیاء الحق کے دور میں 1982 سے 1986 تک ریاستی پالیسی کی مخالفت کی سبب احمد فراز کو ملک سے دربدرکر دیا گیا۔ انہوں نے نظم ''محاصرہ'' میں حکومت پر تنقید کی تھی،جس کے سبب  جنرل ضیاء الحق نے انہیں ملک سے نکال دیا:</p>
<p dir="RTL" style="text-align: justify;">
مرے غنیم نے مجھ کو پیام بھیجا ہے</p>
<p dir="RTL" style="text-align: justify;">
کہ حلقہ زن ہیں مرے گرد لشکری اُسکے</p>
<p dir="RTL" style="text-align: justify;">
فصیل شہر کے ہر برج، ہر منارے پر</p>
<p dir="RTL" style="text-align: justify;">
کماں بدست ستادہ ہیں عسکری اُسکے</p>
<p dir="RTL" style="text-align: justify;">
میں کٹ گروں کہ سلامت رہوں یقیں ہے مجھے</p>
<p dir="RTL" style="text-align: justify;">
کہ یہ حصار ِستم کوئی تو گرائے گا</p>
<p dir="RTL" style="text-align: justify;">
تمام عمر کی ایذا نصیبیوں کی قسم</p>
<p dir="RTL" style="text-align: justify;">
۔  مرے قلم کا سفر رائگاں نہ جائے گا</p>
<p dir="RTL" style="text-align: justify;">
جلاوطنی کے دوران شاعر نے ہمت نہیں ہاری اور اپنی شاعری کا سلسلہ جاری رکھا۔ 1982 میں ان کی نظموں کا اگلا مجموعہ ''بے آواز گلی کوچوں میں '' لندن شہر کے ایک پرنٹنگ ہاؤس سے شائع ہوا۔ مجموعہ کی اشاعت کے دو سال بعد شاعر شمالی امریکہ چلا گیا  اور 1984 میں مونٹریال، کینیڈا میں، اپنی نظموں کا مجموعہ ''نابینا شہر میں آئنہ'' شائع کیا، جو مصنف کی بیرون ملک شائع ہونے والی دوسری کتاب تھی۔ اس کے بعد، وہ یورپ واپس آئے اور سویڈن میں مجموعہ ''سب آوازیں میری ہیں '' منظر عام پر آیا۔</p>
<p dir="RTL" style="text-align: justify;">
یہ مجموعہ درحقیقت جنوبی افریقہ میں جدوجہد کرنے والے شاعروں کی نظموں کا ترجمہ ہے۔ 1994  میں فراز کا سب سے بڑا شاعرانہ ڈرامہ ''بودلک'' شائع ہوا اور اسی سال نظموں کا مجموعہ ''خواب گل پریشان ہے'' بھی اشاعت پذیر ہوا۔ اس طرح پاکستان میں حکومت کی تبدیلی کے بعد احمد فراز اپنے وطن واپس آنے میں کامیاب ہو گئے۔ واپسی کے بعد، 1989 میں  انہوں نے اپنی نظموں کا اگلا مجموعہ ''پس انداز موسم'' شائع کیا۔ اس مجموعے کے لیے حکومت کی جانب سے ان کو بہترین شعری مجموعہ کے طور پر ریاستی انعام ''علامہ اقبال'' سے نوازا گیا۔    احمد فراز کی تخلیقات کا دنیا کی متعدد زبانوں میں ترجمہ ہو چکا ہے جن میں روسی، فرانسیسی، چینی، ویتنامی، ہندی، پنجابی، پشتو اور و غیرہ  شامل ہیں۔ احمد فراز نے 2006 تک نیشنل بک فنڈ آف پاکستان میں کام کیا۔ 1988 میں انہیں دوسری بار آدم جی ادبی ایوارڈ اور 1990 میں اباسین ایوارڈ سے نوازا گیا۔ احمد فراز ہندوستان میں بھی معروف اور مقبول ہیں۔ ہندوستان سے 1988 میں انہیں فراق گورکھپوری انعام، 1991 میں اکادمی آف اردو لٹریچر پرائز اور 1992 میں ٹاٹا پرائز سے سرفراز کیا گیا۔ انہوں نے اپنی زندگی میں دنیا کے کئی بیرونی ممالک کا دورہ کیا۔ خصوصاً افغانستان، ایران، عراق، سعودی عرب، ترکی، یوگوسلاویہ، چیکوسلواکیہ، بلغاریہ، روس، چین، انگلینڈ، سویڈن، ناروے، ڈنمارک، سوئٹزرلینڈ، اسپین، جرمنی، فرانس، ہالینڈ، آسٹریا، اٹلی، امریکہ، کینیڈا، افریقہ، انڈیا، نائجیریا، وغیرہ۔ احمد فراز کی شاعری ہندو پاک تمام اہم یونیورسٹیوں کی لائبریریوں میں موجود ہے۔ ہندوستان کی جامعہ اسلامیہ سے '' احمد فرازکی غزل '' کے موضوع پرتحقیقی کام ہوا ہے۔ بہاولپور میں تحقیقی مقالہ بعنوان ”احمد فراز کا فن اور شخصیت“ بھی لکھا گیا ہے، یہ سلسلہ ہنوز جاری ہے۔ فراز کی شاعری سے موضوعات بنیادی طور پر حب الوطنی، غربت اور مصائب کے مسائل ہیں۔ ان کی شاعری سماجی اور سیاسی مسائل کی بھی عکاسی کرتی ہے جس میں لوگوں کو خواب غفلت سے بیدار کرنا بھی شامل ہے۔ انہوں  نے اپنی نظموں، غزلوں اور رباعیوں میں معاشرے کی خامیوں اور غیر ملکی استحصال کے خلاف عوام کی تساہلی کو تنقید کا نشانہ بنایا ہے۔ 25 دسمبر 2008 کو احمد فراز طویل علالت کے بعد انتقال کر گئے اور انہیں اسلام آباد میں سپرد خاک کیا گیا۔ احمد فروز بلاشبہ پاکستان اور ہندوستان کے ممتاز شاعروں میں سے ایک تھے۔ ان کی شہرت پوری دنیا میں ایشیا، یورپ سے لے کر افریقہ  اور امریکہ تک پھیلی ہوئی ہے۔ پاکستان</p>
<p dir="RTL" style="text-align: justify;">
کے مشہور ادیب جاوید اختر جاوید نے احمد فراز کی شاعرانہ خوبیوں کوکچھ اس طرح سے بیان کیا ہے:</p>
<p dir="RTL" style="text-align: justify;">
''احمد فراز کی شاعری سچائی سے بھری ہوئی ہے۔ خوشحالی کا احساس ہے جو ان کی شاعری کو ایک خاص دلکشی عطا کرتا ہے۔ ان کی محبت بھری نظموں میں آپ گاؤں کی مہک محسوس کر سکتے ہیں جو بتدریج جدید دور کی بات کرتی ہے۔ ''</p>
<p dir="RTL" style="text-align: justify;">
شعری مجموعے ''بودلک'' اور ''میرے خواب ریزہ'' ان کے ادبی ڈراموں کے مجموعے ہیں، اورشعری مجموعے ''غزل بہانہ کروں '' میں ان کی تمام غزلیں شامل ہیں۔ رباعیاں صرف مجموعے '' تنہا تنہا '' میں نظموں کے درمیان ملتی ہیں۔ اس مجموعہ میں صرف 12 رباعیاں موجود ہیں۔ رباعیا ں بنیادی طور پر حب الوطنی، وقت کی مشکلی، غربت وغیرہ کے مسائل پر مبنی ہیں۔ عوام کو نیند سے بیدار کرنے کے ساتھ  سماجی اور سیاسی مسائل بھی ان رباعیوں میں دیکھے جا سکتے ہیں۔  انہوں نے اپنے رباعیوں سے معاشرے کی خرابیوں اور غیر ملکی لوٹ کھسوٹ کوبھی اجاگر کیا ہے۔ احمد فروز نے اپنی نظموں میں بنیادی طور پر ایسے الفاظ استعمال کیے ہیں جو عام فہم ہیں۔  ان کی شاعری کا محور '' زندگی، کلی، پیالہ، تہہ خانے، ظلم و ستم، شراب، زہر، پھول، بہار'' وغیرہ جیسے الفاظ کا استعمال ہے۔</p>
<p dir="RTL" style="text-align: justify;">
اک راہ طویل اک کڑی ہے یارو   </p>
<p dir="RTL" style="text-align: justify;">
افتاد عجیب آ پڑی ہے یارو         </p>
<p dir="RTL" style="text-align: justify;">
 کس سمت چلیں کدھر نہ جائیں آخر </p>
<p dir="RTL" style="text-align: justify;">
دورا ہے پہ زندگی کھڑی ہے یارو</p>
<p dir="RTL" style="text-align: justify;">
شاعر مایوسی کی شکایت کرتا ہے کہ اب وہ وقت آگیا ہے جب ہر جگہ لوگ غیروں اور ان کے دشمنوں کے ہاتھوں اذیت میں مبتلا ہیں۔  ہر طرف لوگ غم میں ڈوبے ہوئے ہیں۔ شاعر کا یہ بھی کہنا ہے کہ انسانی زندگی اپنے دائرے میں گھومتی ہے۔ اگر کوئی شخص آزادی اور خوشحالی کے لیے کوشش نہ کرے اور کسی حب الوطنی کی سرگرمی میں مشغول نہ ہو تو اس کی زندگی ایک محدود  دائرے میں گزرے گی اور اس زندگی میں اسے کچھ حاصل نہیں ہو گا:</p>
<p dir="RTL" style="text-align: justify;">
غنچے کی چٹک سنائی دیگی یارو،</p>
<p dir="RTL" style="text-align: justify;">
ساغر کی کھنک سنائی دیگی یارو۔</p>
<p dir="RTL" style="text-align: justify;">
زندان کا سکوت گونج اٹھیگا جس سے،</p>
<p dir="RTL" style="text-align: justify;">
 ایسی دستک سنائی دیگی یارو</p>
<p dir="RTL" style="text-align: justify;">
 شاعر نوجوانوں کو پھولوں کی کلیوں سے تشبیہ دیتا ہے اور انہیں ناانصافی سے لڑنے کی بات کرتا ہے۔ فراز  کی تمام امیدیں نوجوانوں سے وابستہ کر تھیں۔ انہوں نے کہا کہ جیلوں میں جکڑے ہوئے بے گناہوں اور ''آزادی'' کے لیے آواز اٹھانے کا اب وقت آگیا ہے۔</p>
<p dir="RTL" style="text-align: justify;">
احمد فراز واقعی ایک سچے محب وطن تھے۔ انھوں نے اپنی نظموں میں اپنے ہم وطنوں کو آزادی اور حب الوطنی کی دعوت دی ہے۔ انہوں نے مختلف ادبی اصناف میں گراں قدر شاعری کیں۔ وہ  ''روشنیوں کا شہر'' کے ڈرامے میں نوآبادیاتی ہندوستان میں عام لوگوں خصوصا، خاص طور پر خواتین کی مشکل زندگی کو بیان کیا ہے، جنہوں نے لاقانونیت، قید و بند، غربت اور بدحالی سمیت بہت سی مشکلات برداشت کی ہیں۔ اپنے ڈرامے میں شاعر نے مصورکی زبان سے ہندوستانی عورت کی خوبصورتی اور اس کی مایوسی کو اس طرح سے نشان زد کیا ہے:</p>
<p dir="RTL" style="text-align: justify;">
“یہ خاتون تصویر میں کس قدر کھو گئی ہے</p>
<p dir="RTL" style="text-align: justify;">
یہ بکھری ہوئی زلف۔ جیسے زمانے کا دکھ اس پہ سایافگن ہو</p>
<p dir="RTL" style="text-align: justify;">
یہ غمگین آنکھیں۔ کہ جیسے کسی خواب گوں جھیل میں</p>
<p dir="RTL" style="text-align: justify;">
دو کنول شام ہستی کے کہرے میں لپٹے ہوئے ہوں</p>
<p dir="RTL" style="text-align: justify;">
یہ گلنارلب جیسے باغ جوانی کی کلیاں بہاروں کے انجم سے باخبر ہوں</p>
<p dir="RTL" style="text-align: justify;">
یہ معصوم چہرہ کہ جیسے کسی جگمگاتے ہوئے شہر پر دھند سی چھا گئی ہو</p>
<p dir="RTL" style="text-align: justify;">
مسلسل اداسی میں ڈوبی ہوئی نوجوانی</p>
<p dir="RTL" style="text-align: justify;">
خموشی میں بھی نوحہ گر ہے-</p>
<p dir="RTL" style="text-align: justify;">
 ہندوستانی عورت کی تصویرکشی کرتے ہوئے  احمد فراز نے اعلیٰ ترین انسانی نظریات، خالص زمینی محبت، سچائی، امن اور استحکام کی تعریف کی ہے۔ در اصل ان کی شاعری پر غور کیا جائے تو یہ بات واضح ہو جاتی ہے کہ شاعر پیدائشی طور پر دور اندیش، انسان دوست، محب وطن اور غریبوں کا حامی نظر آتا ہے۔ انہوں نے اپنے وسیع تجربات وہ مشاہدات کی روشنی میں اپنی شعری بصیرت کا اظہار کرتے ہوئے عوامی  زندگی کی سختی کو بڑی ہنرمدی سے بیان کیا ہے۔</p>
<p dir="RTL" style="text-align: justify;">
احمد فراز اپنی شاعری کے تعلق سے بہت واضح نظریہ رکھتے تھے۔ انہوں نے کبھی دوسروں پر اپنی شاعری مسلط کرنے کی کوشش نہیں کی بلکہ بڑی سادگی سے  شاعری بھی کی اور اپنے نظریہ کی وضاحت بھی کی۔ انہوں نے اس بات پر ہمیشہ اصرار کیا کہ اصل شاعری وہی ہے جو دلوں پر راج کرے۔  ڈاکٹر مشتاق صدف کو دیے گئے اپنے ایک انٹرویو میں انہوں نے اپنے خیالات کا اظہار ان لفظوں میں کیا ہے:</p>
<p dir="RTL" style="text-align: justify;">
'' شاعری میں سب کا اپنا اپنا رنگ ہوتا ہے لہٰذا ان کا ہمارا میل نہیں ہو سکتا۔ میں جو شاعری کرتا ہوں اس کے حوالے سے سوچتا بھی ہوں۔ دل میں جو بات ہوتی ہے وہی شعر میں ڈھل جاتی ہے۔ یہ کوئی ضروری نہیں کہ شعر میں بہت زیادہ فلسفہ ہو، گہرائی ہو، بلکہ جو دل میں ہو وہی شعر میں آئے۔ شاعری بہت خوبصورت چیز ہے۔ ایک لطیف جذبہ ہے جس کے لئے خوبصورت الفاظ بھی ہوتے ہیں اور اچھی شاعری وہی ہے جو دل سے نکلے اور دل پر اثر کرے۔ نہ زندگی میں مجھے تصنع پسند ہے نہ اپنی شاعری میں۔ ساقی فاروقی کی شاعری اور شخصیت دوننوں میں تصنع پایا جاتا ہے۔ کبھی مالائیں پہن لیں کبھی بال بڑھا  لئے، کبھی کم کر لیے۔ کبھی الّو پر شعر کہہ رہے ہیں تو کبھی 'چرخے'  پر نظم اور کبھی 'شام' پر نظم کہہ رہے ہیں۔ بہرحال مجھے یہ اپیل نہیں کرتی۔ ممکن ہے کہ دوسروں کو اپیل کرتی ہو۔ مجھے یہ اندازا اچھا نہیں لگتا۔''</p>
<p dir="RTL" style="text-align: justify;">
خلاص? کلام یہ کہ احمد فراز ایک بڑے ویژن کے شاعر تھے۔ انہوں نے زندگی کے سوزوساز اور آرزومندی کو بڑی خوبصورتی کے ساتھ پیش کیا۔ ان کے یہاں تخلیقی تناؤ کو بھی منفرد انداز سے محسوس کیا جا سکتا ہے اور یہ وہ خوبیاں ہے جو انہیں شہرت دوام بخشتی ہیں۔</p>
<p dir="RTL" style="text-align: justify;">
 طرف لوگ غم میں ڈوبے ہوئے ہیں۔ شاعر کا یہ بھی کہنا ہے کہ انسانی زندگی اپنے دائرے میں گھومتی ہے۔ اگر کوئی شخص آزادی اور خوشحالی کے لیے کوشش نہ کرے اور کسی حب الوطنی کی سرگرمی میں مشغول نہ ہو تو اس کی زندگی ایک محدود  دائرے میں گزرے گی اور اس زندگی میں اسے کچھ حاصل نہیں ہو گا:</p>
<p dir="RTL" style="text-align: justify;">
غنچے کی چٹک سنائی دیگی یارو،</p>
<p dir="RTL" style="text-align: justify;">
ساغر کی کھنک سنائی دیگی یارو۔</p>
<p dir="RTL" style="text-align: justify;">
زندان کا سکوت گونج اٹھیگا جس سے،</p>
<p dir="RTL" style="text-align: justify;">
 ایسی دستک سنائی دیگی یارو</p>
<p dir="RTL" style="text-align: justify;">
 شاعر نوجوانوں کو پھولوں کی کلیوں سے تشبیہ دیتا ہے اور انہیں ناانصافی سے لڑنے کی بات کرتا ہے۔ فراز  کی تمام امیدیں نوجوانوں سے وابستہ کر تھیں۔ انہوں نے کہا کہ جیلوں میں جکڑے ہوئے بے گناہوں اور ''آزادی'' کے لیے آواز اٹھانے کا اب وقت آگیا ہے۔</p>
<p dir="RTL" style="text-align: justify;">
احمد فراز واقعی ایک سچے محب وطن تھے۔ انھوں نے اپنی نظموں میں اپنے ہم وطنوں کو آزادی اور حب الوطنی کی دعوت دی ہے۔ انہوں نے مختلف ادبی اصناف میں گراں قدر شاعری کیں۔ وہ  ''روشنیوں کا شہر'' کے ڈرامے میں نوآبادیاتی ہندوستان میں عام لوگوں خصوصا، خاص طور پر خواتین کی مشکل زندگی کو بیان کیا ہے، جنہوں نے لاقانونیت، قید و بند، غربت اور بدحالی سمیت بہت سی مشکلات برداشت کی ہیں۔ اپنے ڈرامے میں شاعر نے مصورکی زبان سے ہندوستانی عورت کی خوبصورتی اور اس کی مایوسی کو اس طرح سے نشان زد کیا ہے:</p>
<p dir="RTL" style="text-align: justify;">
یہ خاتون تصویر میں کس قدر کھو گئی ہے </p>
<p dir="RTL" style="text-align: justify;">
یہ بکھری ہوئی زلف۔ جیسے زمانے کا دکھ اس پہ سایافگن ہو</p>
<p dir="RTL" style="text-align: justify;">
یہ غمگین آنکھیں۔ کہ جیسے کسی خواب گوں جھیل میں</p>
<p dir="RTL" style="text-align: justify;">
دو کنول شام ہستی کے کہرے میں لپٹے ہوئے ہوں</p>
<p dir="RTL" style="text-align: justify;">
یہ گلنارلب جیسے باغ جوانی کی کلیاں بہاروں کے انجم سے باخبر ہوں</p>
<p dir="RTL" style="text-align: justify;">
یہ معصوم چہرہ کہ جیسے کسی جگمگاتے ہوئے شہر پر دھند سی چھا گئی ہو</p>
<p dir="RTL" style="text-align: justify;">
مسلسل اداسی میں ڈوبی ہوئی نوجوانی</p>
<p dir="RTL" style="text-align: justify;">
خموشی میں بھی نوحہ گر ہے-</p>
<p dir="RTL" style="text-align: justify;">
 ہندوستانی عورت کی تصویرکشی کرتے ہوئے  احمد فراز نے اعلیٰ ترین انسانی نظریات، خالص زمینی محبت، سچائی، امن اور استحکام کی تعریف کی ہے۔ در اصل ان کی شاعری پر غور کیا جائے تو یہ بات واضح ہو جاتی ہے کہ شاعر پیدائشی طور پر دور اندیش، انسان دوست، محب وطن اور غریبوں کا حامی نظر آتا ہے۔ انہوں نے اپنے وسیع تجربات وہ مشاہدات کی روشنی میں اپنی شعری بصیرت کا اظہار کرتے ہوئے عوامی  زندگی کی سختی کو بڑی ہنرمدی سے بیان کیا ہے۔</p>
<p dir="RTL" style="text-align: justify;">
احمد فراز اپنی شاعری کے تعلق سے بہت واضح نظریہ رکھتے تھے۔ انہوں نے کبھی دوسروں پر اپنی شاعری مسلط کرنے کی کوشش نہیں کی بلکہ بڑی سادگی سے  شاعری بھی کی اور اپنے نظریہ کی وضاحت بھی کی۔ انہوں نے اس بات پر ہمیشہ اصرار کیا کہ اصل شاعری وہی ہے جو دلوں پر راج کرے۔  ڈاکٹر مشتاق صدف کو دیے گئے اپنے ایک انٹرویو میں انہوں نے اپنے خیالات کا اظہار ان لفظوں میں کیا ہے:</p>
<p dir="RTL" style="text-align: justify;">
'' شاعری میں سب کا اپنا اپنا رنگ ہوتا ہے لہٰذا ان کا ہمارا میل نہیں ہو سکتا۔ میں جو شاعری کرتا ہوں اس کے حوالے سے سوچتا بھی ہوں۔ دل میں جو بات ہوتی ہے وہی شعر میں ڈھل جاتی ہے۔ یہ کوئی ضروری نہیں کہ شعر میں بہت زیادہ فلسفہ ہو، گہرائی ہو، بلکہ جو دل میں ہو وہی شعر میں آئے۔ شاعری بہت خوبصورت چیز ہے۔ ایک لطیف جذبہ ہے جس کے لئے خوبصورت الفاظ بھی ہوتے ہیں اور اچھی شاعری وہی ہے جو دل سے نکلے اور دل پر اثر کرے۔ نہ زندگی میں مجھے تصنع پسند ہے نہ اپنی شاعری میں۔ ساقی فاروقی کی شاعری اور شخصیت دوننوں میں تصنع پایا جاتا ہے۔ کبھی مالائیں پہن لیں کبھی بال بڑھا  لئے، کبھی کم کر لیے۔ کبھی الّو پر شعر کہہ رہے ہیں تو کبھی 'چرخے'  پر نظم اور کبھی 'شام' پر نظم کہہ رہے ہیں۔ بہرحال مجھے یہ اپیل نہیں کرتی۔ ممکن ہے کہ دوسروں کو اپیل کرتی ہو۔ مجھے یہ اندازا اچھا نہیں لگتا۔''</p>
<p dir="RTL" style="text-align: justify;">
خلاصۂ  کلام یہ کہ احمد فراز ایک بڑے ویژن کے شاعر تھے۔ انہوں نے زندگی کے سوزوساز اور آرزومندی کو بڑی خوبصورتی کے ساتھ پیش کیا۔ ان کے یہاں تخلیقی تناؤ کو بھی منفرد انداز سے محسوس کیا جا سکتا ہے اور یہ وہ خوبیاں ہے جو انہیں شہرت دوام بخشتی ہیں۔</p>