ڈاکٹر فکرؔ پاروی کے مجموعۂ کلام ’’افکارِ فکرؔ‘‘کی رسمِ اجراء
ڈاکٹر فکرؔ پاروی کے مجموعۂ کلام ’’افکارِ فکرؔ‘‘کی رسمِ اجراء
بزمِ نویدِ سخن علی گڑھ رجسٹرڈکے زیرِ اہتمام صاحب العصر منزل زہرہ باغ علی گڑھ میں معروف ادیب و شاعر ڈاکٹر تاجدار حسین زیدی فکرؔ پاروی کے مجموعۂ کلام ’’افکارِ فکرؔ ‘‘ کی رسمِ اجراء ڈاکٹر الیاس نویدؔ گنوری،پروفیسر صغیر افراہیم،مرزا اطہر بیگ علیگ، ڈاکٹر مولانا اصغر اعجاز قائمی جلالپوری،مولانا اکرام حسین جعفری اور ڈاکٹر سلطنت زہرا کی ہاتھوں عمل میں آئی۔
پروگرام کی صدارت پروفیسر صغیر افراہیم سابق صدر شعبۂ اردو علی گڑھ مسلم یونیورسٹی نے کی
مہمانِ خصوصی ڈاکٹر مولانا اصغر اعجاز قائمی جلالپوری رہے۔نظامت کے فرائض سید بصیر الحسن وفاؔ نقوی نے بحسن و خوبی انجام دئیے۔پروگرام کا آغاز عبد المنان صمدی نے تلاوتِ قرآنِ مجید سے کیا جب کہ نعت معروف سوزخواں عظیم شمس آبادی نے پیش کی۔
اس پروگرام میں انگریزی زبان کے معروف شاعر اور ناقد ڈاکٹر شجاعت حسین کو بزمِ نویدِ سخن علی گڑھ کی جانب سے ’’ڈاکٹر فکرؔ پاروی میمورئل ایوارڈ ۲۰۲۳‘‘سے نوازا گیا۔
اس سلسلے سے گفتگو کرتے ہوئے ڈاکٹر الیاس نویدؔ گنوری نے کہا کہ ’’ڈاکٹر فکرؔ پاروی روایت میں تازہ کاری کے پاسدار رہے ان کے کلام میں فارسی الفاظ بھی ہیں اور سہلِ ممتنع بھی ہے‘‘۔
پروفیسر صغیر افراہیم نے کہا کہ ’’مرحوم جہاں ایک اچھے شاعر تھے وہیں ایک اچھے تبصرہ نگار بھی تھے ان کا مطالعہ وسیع تھا‘‘ڈاکٹر فکرؔ پاروی کی دختر ڈاکٹر سلطنت نے کہا کہ ’’ میرے والد مرحوم چاہتے تھے کہ اردو زبان و ادب کو زیادہ سے زیادہ پڑھا جائے اور کچھ نہ کچھ لکھتے ہوئے اردو ادب کی خدمت کی جائے‘‘۔اس پروگرام میں انجمنِ محبانِ اردو علی گڑھ،یونائٹڈ اسپرٹ آف رایٹرس علی گڑھ اورگلشنِ ادب علی گڑھ کا بھی اشتراک رہا۔
آخر میں ایک شعری نشست کا بھی انعقاد عمل میں آیا جس کی صدارت مرزا اطہر بیگ نے کی کلام پیش کرنے والوں میں ڈاکٹر الیاس نویدؔ گنوری،سید بصیر الحسن وفاؔ نقوی، اسلم خورشید،محمد علی تاج کاسگنجوی،ڈاکٹر عرفان ؔ جمالی،ڈاکٹر وصی بیگ بلالؔ علیگ،طرب نیازی،انجینئر معراج نشاط،ذوالفقار زلفی،سید محمد عادل فراز،ڈاکٹر مہتاب مہدی اورمہدی جلالوی وغیرہ وغیرہ پیش پیش رہے۔
ساتھ ہی خالد انصاری اور کنور محمد آصف نے بھی نشست میں اپنا اظہارِ خیال پیش کیا۔محفل کو کامیاب بنانے میں سید محمد عادل اور ذوالفقار زلفی کا اہم کردار رہا۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…