اجنکیارہانے نے ایم ایس دھونی کا 11 سال پراناریکارڈتوڑا،بنائی آئی پی ایل 2023 کی تیزترین نصف سنچری

اجنکیا رہانے نے ایم ایس دھونی کا 11 سال پرانا آئی پی ایل  ریکارڈ توڑ دیا۔ ممبئی کے وانکھیڑے اسٹیڈیم میں چنئی سپر کنگز اور ممبئی انڈینز کے درمیان کھیلے گئے آئی پی ایل 2023 کے 12ویں میچ میں سی ایس کے نے 7 وکٹوں سے کامیابی حاصل کی۔

 اس میچ میں پہلے بلے بازی کرتے ہوئے ممبئی انڈینس نے چنئی کے سامنے 158 رنز کا ہدف رکھا تھا جسے سی ایس کے کی ٹیم نے 11 گیندیں باقی رہ کر حاصل کر لیا۔ اس جیت میں اجنکیا رہانے کا خاص حصہ رہا جنہوں نے دھواں دار اننگ کھیلتے ہوئے کئی خاص کارنامے اپنے نام کیے۔ انہوں نے آئی پی ایل 2023 کی تیز ترین نصف سنچری بنائی اور کپتان مہندر سنگھ دھونی کا 11 سال پرانا ریکارڈ بھی توڑ دیا۔

  بتادیں کہ اجنکیا رہانے، جو ایک سال سے زیادہ عرصے سے ٹیم انڈیا سے باہر ہیں، نے جیسے ہی آئی پی ایل 2023 میں سی ایس کے کے لیے پہلا میچ کھیلا، شاندار کارکردگی کا مظاہرہ کیا۔

 انہوں نے 19 گیندوں میں نصف سنچری مکمل کی اور آئی پی ایل 2023 میں تیز ترین نصف سنچری بنانے والے کھلاڑی بن گئے۔ انہوں نے 27 گیندوں پر 61 رن کی اننگ کھیلی جس میں 7 چوکے اور 3 چھکے شامل تھے۔

بتا دیں کہ 19 گیندوں میں یہ نصف سنچری بنا کر ر ہانے نے معین علی کے ریکارڈ کی برابری کر لی ہے جنہوں نے 2022 میں سی ایس کے کے لیے کھیلتے ہوئے 19 گیندوں میں نصف سنچری بنائی تھی۔ اس فہرست میں سریش ریناکا نام شامل ہے جنہوں نے سال 2014 میں پنجاب کنگز کے خلاف 16 گیندوں پر نصف سنچری بنائی تھی۔ اس کے ساتھ ہی اجنکیا نے کپتان مہندر سنگھ دھونی کا 11 سال پرانا ریکارڈ توڑ دیا۔