قطر فیفا ورلڈ کپ سے 6.5 بلین امریکی ڈالر کی آمدنی کا تخمینہ،کیا سوچتے ہیں آپ؟

فٹ بال کے بخار نے پوری دنیا کو اپنی لپیٹ میں لے لیا ہے جس کا بہت انتظار تھا فیفا ورلڈ کپ کا باضابطہ آغاز ہو  چکاہے۔ قطر کے آٹھ اسٹیڈیم 18 دسمبر تک فٹ بال کے اس سب سے بڑے ایونٹ میں 64 میچوں کی میزبانی کریں گے۔

عالمی مالیاتی معلومات اور تجزیاتی خدمات فراہم کرنے والے  ایس اینڈ پی گلوبل مارکیٹ انٹیلی جنس کے ایک نئے تجزیے کے مطابق، عالمی  شائقین نے میدان پر یادگار  کھیلوں کی کامیابیوں  کے لئے اسٹیج تیار کیا ہے۔

میدان سے باہر ٹیکنالوجی، میڈیا اور ٹیلی کمیونیکیشن کے شعبوں میں تجارتی اور باوقار مواقع موجود ہیں۔ایس اینڈ پی گلوبل کا تخمینہ ہے کہ فیفا کو قطر سے 6.5 بلین امریکی ڈالر کی آمدنی متوقع ہے

32 ٹیمیں حصہ لے رہی ہیں

2022 فیفا ورلڈ کپ میں پانچ کنفیڈریشنز کی کل 32 ٹیمیں حصہ لے رہی ہیں۔ 29 دنوں کے دوران 64 میچ کھیلے جائیں گے۔

ٹورنامنٹ میں شرکت کرنے والی ٹیموں میں میزبان قطر، ایکواڈور، سینیگال، ہالینڈ، انگلینڈ، ایران، امریکہ، ویلز، ارجنٹائن، سعودی عرب، میکسیکو، پولینڈ، فرانس، آسٹریلیا، ڈنمارک، تیونس، اسپین، کوسٹاریکا، جرمنی، جاپان، بیلجیم، کینیڈا، مراکش، کروشیا، برازیل، سربیا، سوئٹزرلینڈ، کیمرون، پرتگال، گھانا، یوروگوئے ،جنوبی کوریا شامل ہیں۔

کینیڈا، میکسیکو  ا ور امریکہ 2026 کے ٹورنامنٹ کی میزبانی  کریں گے تو ٹیموں کی   تعداد 48 ہو جائے گی۔ فرانس دفاعی چمپئن ہے، جس نے فائنل میں کروشیا کو شکست دے کر 2018 میں اپنا دوسرا ٹائٹل جیتا تھا۔

لیونل میسی اور کرسٹیانو رونالڈو کا آخری ورلڈ کپ ہو سکتا ہے

یہ ارجنٹائن کے اسٹرائیکر لیونل میسی کے لیے آخری ورلڈ کپ ٹورنامنٹ ہونے کا امکان ہے، جسے وسیع پیمانے پر اب تک کے عظیم ترین فٹبالرز میں سے ایک سمجھا جاتا ہے۔