ہاکی ورلڈ کپ: ہندوستان اپنی مہم کا آغاز اسپین کے خلاف جیت کے ساتھ کرنا چاہے گا

راورکیلا، 12 جنوری (انڈیا نیرٹیو)

 ٹوکیو اولمپکس میں کانسی کا تاریخی تمغہ جیتنے کے بعد بین الاقوامی  الیٹ طبقے میں واپسی کرنے والا  ہندوستان جمعہ کو یہاں اسپین کے خلاف جیت کے ساتھ ایف آئی ایچ مردوں کے ہاکی ورلڈ کپ میں اپنی مہم کا آغاز کرنا چاہے گا۔

اسپین ہندوستان کے لیے کبھی بھی آسان حریف نہیں رہا ہے اور دنیا کی آٹھویں نمبر کی یورپی ٹیم جمعہ کو ایک جیسی رہے گی حالانکہ وہ ٹورنامنٹ کی سب سے کم عمر ٹیموں میں سے ایک ہے۔ ہسپانوی ٹیم اپنے دن کسی بھی ٹیم کو ہرا سکتی ہے۔ اسپین نے 2006 میں کانسی کا تمغہ جیتا اور 1971 اور 1998 میں رنرز اپ رہا۔

ارجنٹائن کے سابق بین الاقوامی میکس کلداس  کے ذریعہ تربیت یافتہ اور ان کے سب سے تجربہ کار کھلاڑی الوارو اگلیسیس کی کپتانی میں پچھلے سال اکتوبر ۔نومبر میں بھونیشور میں چل رہے پرو لیگ سیزن میچوں میں   ہسپانوی ٹیم  کا پلڑا بھاری تھا۔

اس نے پہلا میچ 3-2 سے جیتا تھا، جبکہ بھارت نے دوسرا میچ پینلٹی شوٹ آؤٹ میں جیتا تھا۔ اس میچ میں دونوں ٹیمیں مقررہ وقت تک 2-2 گول سے برابر تھیں۔

پہلے میچ میں ہندوستان کی جیت  سے انہیں براہ راست کوارٹر فائنل برتھ کے لیے پول ڈی میں سرفہرست رہنے  میں مدد مل سکتی ہے اور وہ کراس اوور میچ کھیلنے سے بچ سکتے ہیں(چار پولوں میں سے ہر ایک کے دوسرے اور تیسرے مقام کی ٹیموں کے لئے )۔

  کراس اوور میچوں کے ذریعہ سے کوارٹر فائنل کے لئے کوالیفائی کرنے سے بھارت کو آخری آٹھ مرھلے میں گزشتہ چمپئن بیلجیم جیسی مضبوط ٹیم کا سامنا کرنا پڑ سکتا ہے۔

 ہندوستان نے 1971 میں افتتاحی ٹورنامنٹ میں کانسی کا تمغہ اور 1973 میں اگلے ایڈیشن میں چاندی کا تمغہ جیتا تھا۔