فٹنس گورو اشتیاق احمد خان نے کیسے کیا کشمیر کا سر فخر سے بلند؟

مسٹر انڈیا  مقابلہ کی جیوری کے رکن کے طور پر نامزد

ایک کشمیری فٹنس  گورو نے معزز مسٹر اینڈ مس انڈیا ایونٹ کے جیوری ممبران میں شامل ہونے کے بعد ایک نادر اعزاز حاصل کیا ہے۔اشتیاق احمد خان اڈیشہ میں مسٹر اینڈ مس انڈیا کا انتخاب کرنے والی 20 رکنی جیوری میں شامل تھے۔ورلڈ فٹنس فیڈریشن (ڈبلیو ایف ایف) کے زیر اہتمام، دو روزہ ایونٹ میں 300 سے زائد باڈی بلڈرز نے ایک  پروقارٹائٹل کے لیے مقابلہ کیا۔

یہ پہلی بار ہے کہ جموں و کشمیر کے کسی فٹنس  گورو نے اتنے بڑے پلیٹ فارم پر ہندوستان بھر کے شرکاء کا فیصلہ کیا ہے۔   انہوں نے  اس موقع  پر بتایا کہ میں جموں و کشمیر میں کئی سالوں سے ورلڈ فٹنس فیڈریشن کے صدر کے طور پر خدمات انجام دے رہا ہوں۔

اس سال، میں قومی ایونٹ کا فیصلہ کرنے والی 20 رکنی جیوری میں شامل تھا۔ میں جموں و کشمیر کی فٹنس برادری کا پہلا ایتھلیٹ ہوں جس نے اتنے بڑے ایونٹ کا فیصلہ کیا۔ انہوں نے کہا کہ ایونٹ کو جج کرنا اعزاز کی بات ہے۔ “یہ بہت سخت مقابلہ تھا کیونکہ مختلف ریاستوں کے باڈی بلڈرز نے حصہ لیا۔

ایک ٹرینر ہونے کے ناطے، ایونٹ میں میری شرکت یقینی طور پر نوجوانوں کو بڑے اہداف حاصل کرنے کی ترغیب دے گی۔  خان نے کہا کہ وادی کے بہت سے کھلاڑی اسی طرح کے مقابلوں کی تیاری کر رہے ہیں۔”اس طرح کے واقعات نوجوانوں کو اپنی فٹنس اور جسم پر سخت محنت کرنے کی ترغیب دیتے ہیں۔

ہم اپنے لڑکوں کو ان تقریبات کے لیے تیار کر رہے ہیں۔ ہم سخت محنت کریں گے اور اس بات کو یقینی بنائیں گے کہ ہمارے کھلاڑی بڑے مقابلوں میں جگہ بنائیں۔